ଭୁବନେଶ୍ବର:ରାଜ୍ୟବ୍ୟାପୀ ପାଳନ ହେଉଛି ରସଗୋଲା ଦିବସ । ଏହି ଅବସରରେ ରସଗୋଲା ପାଇଁ ପ୍ରସିଦ୍ଧ ପାହାଳରେ ମଧ୍ୟ ବ୍ୟବସାୟୀ ସଂଘ ତରଫରୁ ରସଗୋଲା ଦିବସ ପାଳିତ ହୋଇଛି ।ଏହି ଅବସରରେ ମେୟର ସୁଲୋଚନା ଦାସ, ଭୁବନେଶ୍ବରର ଦୁଇ ବିଧାୟକ ଅନନ୍ତ ଜେନା ଓ ସୁଶାନ୍ତ ରାଉତଙ୍କ ସହିତ ବିଧାୟକ ଶଶି ଭୂଷଣ ବେହେରା ଅତିଥି ଭାବରେ ଯୋଗ ଦେଇଥିଲେ ।
ପାହାଳରେ ବ୍ୟବସାୟୀ ସଂଘ ତରଫରୁ ସେଲିବ୍ରେସନ
ରସଗୋଲା ଜଗନ୍ନାଥ ସଂସ୍କୃତି ସହିତ ଜଡ଼ିତ । ପ୍ରତିବର୍ଷ ନୀଳାଦ୍ରି ବିଜେ ତିଥିରେ ପାଳନ କରାଯାଇଥାଏ ରସଗୋଲା ଦିବସ । କାରଣ ମା' ଲକ୍ଷ୍ମୀଙ୍କ ମାନଭଞ୍ଜନ ପାଇଁ ପ୍ରଭୁ ଶ୍ରୀଜଗନ୍ନାଥ ରସଗୋଲା ପ୍ରଦାନ କରି ନୀଳକନ୍ଦର ବିଜେ କରିଥାନ୍ତି । ସେଥିପାଇଁ ୨୦୧୫ ମସିହାରୁ ପ୍ରତିବର୍ଷ ନିଳାଦ୍ରୀବିଜେକୁ ରସଗୋଲା ଦିବସ ଅବସରରେ ପାଳନ କରି ଆସୁଛନ୍ତି ପାହାଳ ମିଠା ବ୍ୟବସାୟୀ ସଂଘ ।