ଭୁବନେଶ୍ବର: ସୋମବାର ରାଜ୍ୟସଭା ଉପନିର୍ବାଚନ। ଏନେଇ ସରଗରମ ରାଜନୀତି। ତେବେ ବିଜେଡି ଉପରେ ରହିଛି ସମସ୍ତଙ୍କ ନଜର। ଦଳର ସୁପ୍ରିମୋ ଯଦିଓ କୌଣସି ଆନୁଷ୍ଠାନିକ ଘୋଷଣା କରିନାହାଁନ୍ତି ତେବେ ବିଜେଡିର ଅନ୍ଦର ମହଲ କହୁଛି ଏନଡିଏ ସମର୍ଥିତ ଜେଡିୟୁ ପ୍ରାର୍ଥୀଙ୍କୁ ସମର୍ଥନ ଦେବ ଦଳ।
ଆସନ୍ତାକାଲି ରାଜ୍ୟସଭା ଉପାଧ୍ୟକ୍ଷ ନିର୍ବାଚନ, ବିଜେଡି ଆଭିମୁଖ୍ୟ ଉପରେ ନଜର
ସାଧାରଣ ନିର୍ବାଚନ ପରଠୁ ବିଜେପି ଓ ବିଜେଡି ବେଶ ନିକଟତର ହୋଇଛନ୍ତି। କେନ୍ଦ୍ର ରାଜ୍ୟ ସମ୍ପର୍କ ଘନିଷ୍ଠ ହୋଇଛି। ଓଡିଶାକୁ ଦିଲ୍ଲୀରେ ଗୁରୁତ୍ବ ମିଳିଛି। ପୂର୍ବରୁ ଉଭୟ କଂଗ୍ରେସ ଓ ବିଜେପି ଠାରୁ ସମ ଦୂରତାର କଥା କହି ଆସୁଥିବା ବିଜେଡିର ଆଉ ସେ ନାରା ବି ନାହିଁ। ଓଡ଼ିଶାର ଲୋକେ ବି ଏହା ଅନୁଭବ କଲେଣି କି ବିଜେପି ଆଉ ବିଜେଡି ଏକ। ବିଗତ ଦିନର ଅନେକ ଉଦାହରଣ ଏହା ସ୍ପଷ୍ଟ କରିଛି। ଅନେକ ବିଲ କୁ ସମର୍ଥନ ଦେବା, କେନ୍ଦ୍ର ହଁରେ ହଁ ମାରିବା, ନୀତି ଓ ନିଷ୍ପତ୍ତିକୁ ସ୍ବାଗତ କରିବା ହିଁ ଉଭୟଙ୍କ ସମ୍ପର୍କ ନେଇ ଯଥେଷ୍ଟ ପ୍ରମାଣ ଦେଉଛି।