ଭୁବନେଶ୍ବର: କରୋନା ମହାମାରୀ ଯୋଗୁଁ ସବୁ ଉତ୍ସବ ଫିକା ପଡିଛି । ଆଉ ଏଭଳି ସମୟରେ ରଜ ପଡିଥିବାରୁ ଅନେକ ବ୍ୟକ୍ତିଙ୍କ ସମୟ କୋଭିଡ ହସ୍ପିଟାଲରେ କଟୁଛି । କିନ୍ତୁ ଏସବୁ ଭିତରେ ଆସିଛି ଏକ ଖୁସି ଖବର। ୧୧ ବର୍ଷର ଝିଅର ଖୁସିକୁ ନେଇ କୋଭିଡ ହସ୍ପିଟାଲରେ କରାଯାଇଛି ରଜ ପାଳନ । ହସ୍ପିଟାଲରେ ଦୋଳି ବନ୍ଧାଯାଇଥିବା ବେଳେ ଅଳତା ଲଗାଇ ସଜ ହୋଇ ରଜ ପାଳିଥିଲା କୁନି ଝିଅ ସୁଶ୍ରୀ ତେଜସ୍ୱିନୀ ସୁବୁଦ୍ଧି ।
କୁନି ଝିଅର ଖୁସି ପାଇଁ କୋଭିଡ ହସ୍ପିଟାଲରେ ରଜ ପାଳନ କୁନି ଝିଅର ଖୁସି ପାଇଁ କୋଭିଡ ହସ୍ପିଟାଲରେ ରଜ ପାଳନ ଆମେ କହୁଛୁ କଣ୍ଟାବାଡ ସ୍ପର୍ଶ କୋଭିଡ ହସ୍ପିଟାଲର କଥା। ଯେଉଁଠି ତେଜସ୍ୱିନୀ ରଜରେ କେକ କାଟି ଦୋଳିରେ ଝୁଲି ରଜ ପଳେଇଥିଲେ । ଆଉ ଏହି ରଜ ପାଳନ ସମ୍ଭବ ହୋଇପାରିଥିଲା ଅଭିନେତା ସବ୍ୟସାଚୀ ଓ ହସ୍ପିଟାଲ କର୍ତ୍ତୃପକ୍ଷଙ୍କ ପାଇଁ ।
କୁନି ଝିଅର ଖୁସି ପାଇଁ କୋଭିଡ ହସ୍ପିଟାଲରେ ରଜ ପାଳନ କୁନି ଝିଅର ଖୁସି ପାଇଁ କୋଭିଡ ହସ୍ପିଟାଲରେ ରଜ ପାଳନ କାରଣ କୁନି ଝିଅର ଖୁସିକୁ ନେଇ ସବ୍ୟସାଚୀ ଅଚାନକ ହସ୍ପିଟାଲରେ ପହଞ୍ଚିଥିଲେ । ଏହାକୁ ହସ୍ପିଟାଲ କତ୍ତୃପକ୍ଷ ଆୟୋଜନ କରିଥିବା ବେଳେ ହସ୍ପିଟାଲରେ ସମସ୍ତ ବ୍ୟବସ୍ଥା ହୋଇଥିଲା । ଆଉ ପରିବାରର ସମସ୍ତେ ମିଶି ରଜ ପାଳନ କରିଥିଲେ । ଏହାକୁ ନେଇ ହସ୍ପିଟାଲ ଡାକ୍ତର କୁହନ୍ତି, ରୋଗୀଙ୍କୁ ଖାଲି ଚିକିତ୍ସା ନୁହେଁ ମାନସିକ ସ୍ତରରେ ଖୁସି ହେବାର ବି ଆବଶ୍ୟକ ରହିଛି । ତେଣୁ ସେମାନେ ଏଇଭଳି କରିଥିବା କହିଥିଲେ ।
ଯାହାକୁ ନେଇ ପ୍ରଶାନ୍ତଙ୍କ ପରିବାର ସମେତ ସମସ୍ତେ ବେଶ ଖୁସି ମନାଇଥିଲେ । ଏଠାରେ ସୂଚନା ଥାଉକି ଗତ ୮ ତାରିଖରୁ ଭୁବନେଶ୍ୱରର ପ୍ରଶାନ୍ତ କୁମାର ସୁବୁଦ୍ଧିଙ୍କ ପୁରା ପରିବାର କରୋନା ସଂକ୍ରମଣ ହୋଇ ଚିକିତ୍ସିତ ହେଉଛନ୍ତି । କାରଣ, ସମ୍ପୂର୍ଣ୍ଣ ପରିବାର ସଂକ୍ରମଣ ହୋଇଥିବାରୁ ଆଉ ତାଙ୍କ ସ୍ୱାସ୍ଥ୍ୟାବସ୍ଥା ଗୁରୁତର ହେବାରୁ ସବ୍ୟସାଚୀଙ୍କ ସହାୟତାରେ ହିଁ ସେମାନେ ସେଠାରେ ରହି ଚିକିତ୍ସିତ ହେଉଛନ୍ତି ।
ଭୁବନେଶ୍ବରରୁ ଦେବସ୍ମିତା ରାଉତ, ଇଟିଭି ଭାରତ
