ଭୁବନେଶ୍ବର:ଓଡିଶା ଗସ୍ତରେ ଆସିଛନ୍ତି କେନ୍ଦ୍ର ରେଳମନ୍ତ୍ରୀ ଅଶ୍ବିନୀ ବୈଷ୍ଣବ। ରେଳମନ୍ତ୍ରୀଙ୍କ ଗସ୍ତକୁ ନେଇ ପ୍ରତିକ୍ରିୟା ପ୍ରକାଶ କରିଛନ୍ତି କଂଗ୍ରେସ ବିଧାୟକ ଦଳ ନେତା ନରସିଂହ ମିଶ୍ର ।
'ଓଡିଶାର ରେଳ ଭିତ୍ତିଭୂମି ପାଇଁ ରାଜ୍ୟ ଓ କେନ୍ଦ୍ର ସରକାରଙ୍କ କେତେ ଦରଦ ତାହା ଭବିଷ୍ୟତ କହିବ'
କେନ୍ଦ୍ର ରେଳ ମନ୍ତ୍ରୀ ଓଡ଼ିଶାର ରାୟଗଡା ଓ ବିଭିନ୍ନ ଜିଲ୍ଲା ଗସ୍ତ କରିବା ପ୍ରସଙ୍ଗରେ ମୁହଁ ଖୋଲିଛନ୍ତି ନରସିଂହ ମିଶ୍ର । ଓଡିଶା ରେଳ ବ୍ୟବସ୍ତାର ଉନ୍ନତିକରଣ ପାଇଁ କେତେ ଦରଦ ରହିଛି ତାହା ଭବିଷ୍ୟତ କହିବ। କେନ୍ଦ୍ର ସରକାର କହିଥିଲେ ନିର୍ଦ୍ଧିଷ୍ଟ ସମୟରେ ଖୋର୍ଦ୍ଧା ବଲାଙ୍ଗୀର ରେଳ ପ୍ରକଳ୍ପ ସରିବ ହେଲେ ଏ ପର୍ଯ୍ୟନ୍ତ ଜମି ଅଧିଗ୍ରହଣ ଶେଷ ହୋଇପାରିଲା ନାହିଁ । ଆଉ କେତେବର୍ଷ ଲାଗିବ ତାର ଉତ୍ତର ଉଭୟ ରାଜ୍ୟ ଓ କେନ୍ଦ୍ର ସରକାର ପାଖରେ ନାହିଁ। ଅନେକ ରେଳ ପ୍ରକଳ୍ପ ପଡି ରହିଛି। ଏହାର ଜ୍ବଳନ୍ତ ଉଦାହରଣ ବଲାଙ୍ଗୀର ବିଛୁପାଲି ୧୨ କିମି ରେଳଲାଇନରେ ଟ୍ରେନ ଚାଲିବା । ପ୍ରଧାନମନ୍ତ୍ରୀ ନିର୍ବାଚନ ସମୟରେ ବଲାଙ୍ଗୀରରେ ପ୍ରତିଶ୍ରୁତି ଦେଇଥିଲେ ହେଲେ କଣ ହେଲା,ଆଗକୁ ବଲାଙ୍ଗୀରବାସୀ ତାର ଜବାବ ଦେବେ।