17:10 December 25
ଗ୍ୟାଙ୍ଗଷ୍ଟାର ଡି-ବ୍ରଦର୍ସଙ୍କ ଘରୁ ବନ୍ଧୁକ, ଗୁଳି ଜବତ
କଟକ: ଗ୍ୟାଙ୍ଗଷ୍ଟାର ଡି-ବ୍ରଦର୍ସଙ୍କ ଘରୁ ଜବତ ହେଲା ବନ୍ଧୁକ ଓ ଗୁଳି । ଆଜି(ଶୁକ୍ରବାର) କମିଶନରେଟ ପୋଲିସ ଚଢାଉ କରି ବିପୁଳ ପରିମାଣର ବନ୍ଧୁକ, ଗୁଳି, ମାଗାଜିନ ସହ ନଗଦ ଟଙ୍କା ଜବତ କରିଛି ପୋଲିସ । ଘରେ ଥିବା ଏକ ଗୁପ୍ତ କୋଠରୀରୁ ଜବତ ହୋଇଥିବା ସୂଚନା ମିଳିଛି ।
ଏନେଇ ପୋଲିସ ପକ୍ଷରୁ କିଛି ନିର୍ଦ୍ଦିଷ୍ଟ ସୂଚନା ଦିଆଯାଇ ନଥିଲେ ମଧ୍ୟ ୮ଟି ବନ୍ଧୁକ ଓ ଶତାଧିକ ଗୁଳି ଓ ୧୬ ଲକ୍ଷ ଟଙ୍କା ଠାବ ହୋଇଥିବା ଜଣାପଡ଼ିଛି।
ଦିର୍ଘ ୭ ଘଣ୍ଟା ଧରି ଚାଲିଥିବା ଏହି ଛାନଭିନରେ ୧୦ ଜଣ ଅଫିସରଙ୍କ ସହ ମେଟାଲ ଡିଟେକ୍ଟର ଟିମ ମଧ୍ୟ ନିୟୋଜିତ ଥିଲେ। ଏହାସହ ଘରର ବିଭିନ୍ନ ସ୍ଥାନରେ ଥିବା ଇଣ୍ଟେରିଅରକୁ ଖୋଲିବା ପାଇଁ ଅଭିଜ୍ଞ ଲୋକଙ୍କୁ ମଧ୍ୟ କାର୍ଯ୍ୟରେ ଲଗାଯାଇଥିଲା। ସକାଳ ପ୍ରାୟ ସାଢ଼େ ୧୧ ଟା ସମୟରେ ଦୁଇ ଭାଇଙ୍କୁ ଅଲଗା ଅଲଗା କରି ଏଠାକୁ ଅଣାଯାଇଥିଲା। ଏବଂ ସଂନ୍ଧ୍ୟା ପର୍ଯ୍ୟନ୍ତ ଚାଲିଥିବା ଏହି ସର୍ଚ୍ଚ ଅପରେସନରେ ଏହି ସମସ୍ତ ଅସ୍ତ୍ରଶସ୍ତ୍ର ଜବତ ହୋଇଥିଲା। ସୁରକ୍ଷା ଦୃଷ୍ଟିରୁ ସେମାନଙ୍କ ଘରକୁକୁ ଚାରିପଟୁ ଘେରି କରି ରହିଥିଲେ ସଶସ୍ତ୍ର ଯବାନ।
ଗତ ୯ ତାରିଖ ରାତିରେ ତାଙ୍କ ଘରୁ ୮ ଟି ବନ୍ଧୁକ ଓ ୧୦୫୫ ଗୁଳି ଜବତ କରାଯାଇଥିଲା। ଏହାପରେ ସେହି ଘରେ ଅଧିକ ଅସ୍ତ୍ରଶସ୍ତ୍ର ଥିବା ଅନୁମାନ କରି ଦୁଇ ଭାଇଙ୍କୁ 3 ଦିନିଆ ରିମାଣ୍ଡରେ ଆଣି ଜେରା କରୁଛି ପୋଲିସ। ଏବଂ ଏହି କ୍ରମରେ ଉଭୟଙ୍କୁ ସେମାନଙ୍କ ଘରକୁ ଅଣାଯାଇ ଘରର ବିଭିନ୍ନ ସ୍ଥାନରେ ଛାନଭିନ କରିଥିଲା ପୋଲିସ।
ସୂଚନାଯୋଗ୍ୟ, 2016 ମସିହାରେ ଧଳ ସାମନ୍ତ ବ୍ରଦର୍ସ ଗିରଫ ହୋଇ ପୃଥକ ଭାବେ ଜେଲରେ ଅଛନ୍ତି । ଜେଲରେ ଥାଇ କିଭଳି ଭାବେ ବନ୍ଧୁ କାରବାର ଚଳାଉଥିଲେ, କାହା ମାଧ୍ୟମରେ ବେଆଇନ ଅସ୍ତ୍ରଶସ୍ତ୍ର କାରବାର ଚଳାଇଥିଲେ।
କଟକରୁ ନାରାୟଣ ସାହୁ, ଇଟିଭି ଭାରତ
