ଭୁବନେଶ୍ବର: ରାଜଧାନୀରୁ ଧରାପଡ଼ିଲା ହାଇପ୍ରୋଫାଇଲ ବ୍ରାଉନସୁଗାର ପେଡଲର। ଚନ୍ଦକା ଥାନା ଅଞ୍ଚଳରୁ ଜଣେ ବ୍ୟକ୍ତିକୁ କୁଇକ ଆକ୍ସନ ଟିମ ଗିରଫ କରିଥିବା ସୂଚନା ମିଳିଛି। ତେବେ ଗିରଫ ବେଳେ ୪୦ ଗ୍ରାମ ବ୍ରାଉନସୁଗାର ସହ ୬୨ ହଜାର ଟଙ୍କା ଜବତ କରିଛି ପୋଲିସ।
ଭୁବନେଶ୍ବରରେ ବ୍ରାଉନସୁଗାର ବେପାରୀଙ୍କ ସଂଖ୍ୟା ବୃଦ୍ଧି ପାଇବାରେ ଲାଗିଛି। ଚନ୍ଦକା ଥାନା ଅଞ୍ଚଳରୁ ଶୁକାନ୍ତ ପାଟଶାଣି ନାମକ ବ୍ରାଉନସୁଗାର ପେଡଲରକୁ ଗିରଫ କରିଛି ପୋଲିସ। ଗିରଫ ବ୍ୟକ୍ତିଠାରୁ ୪୦ଗ୍ରାମ ବ୍ରାଉନସୁଗାର ଜବତ କରାଯାଇଛି। ଯାହାର ଆନୁମାନିକ ମୂଲ୍ୟ 4ଲକ୍ଷ ଟଙ୍କା ହେବ। ଏଥିସହ ନଗଦ ୬୨ହଜାର ଟଙ୍କା ଏବଂ ଦୁଇଟି ମୋବାଇଲ ଫୋନ ସହ ଗୋଟିଏ ବାଇକ ମଧ୍ୟ ପୋଲିସ ପକ୍ଷରୁ ଜବତ କରାଯାଇଛି। ତେବେ ତଦନ୍ତ ବେଳେ ଜଣାପଡ଼ିଛି ପୁର୍ବରୁ ଏକ ଫରେଷ୍ଟ ଡିପାର୍ଟମେଣ୍ଟର କର୍ମଚାରୀ ଥିଲେ। ଏବଂ ଚାକିରି ଛାଡ଼ି ଏଭଳି ବ୍ରାଉନସୁଗାର ବେପାର ଚଳାଇଥିଲେ।