ଭୁବନେଶ୍ବର:‘କୌନ ବନେଗା କରୋଡ଼ପତି’ କାର୍ଯ୍ୟକ୍ରମରେ କେନ୍ଦ୍ରମନ୍ତ୍ରୀ ଧର୍ମେନ୍ଦ୍ର ପ୍ରଧାନଙ୍କୁ ନେଇ ଚର୍ଚ୍ଚା । ଧର୍ମେନ୍ଦ୍ରଙ୍କୁ ନେଇ କାର୍ଯ୍ୟକ୍ରମରେ ହୋଷ୍ଟ୍ ତଥା ଅଭିନେତା ଅମିତାଭ ବଚ୍ଚନ ପଚାରିଥିଲେ ପ୍ରଶ୍ନ । ଧର୍ମେନ୍ଦ୍ର ପ୍ରଧାନଙ୍କ ଫଟୋ ଦେଖାଇ ସେ କେଉଁ ନାମରେ ପରିଚିତ ବୋଲି ପ୍ରଶ୍ନ କରିଥିଲେ । ସମ୍ଭାବ୍ୟ ଉତ୍ତରମାନଙ୍କ ମଧ୍ୟରୁ ହଟ୍ ସିଟରେ ବସିଥିବା ବ୍ୟକ୍ତି ଅଶ୍ବିନୀ କୁମାର ସିହ୍ନା ଧର୍ମେନ୍ଦ୍ର ପ୍ରଧାନଙ୍କୁ ଉଜ୍ଜ୍ବଳା ମ୍ୟାନ୍ ବୋଲି ଅଭିହିତ କରିଥିଲେ ।
ସୋନି ଏଣ୍ଟରଟେନମେଣ୍ଟ ଚ୍ୟାନେଲର ଆଜି(30.09.2021) ରାତ୍ରିରେ ଲୋକପ୍ରିୟ କାର୍ଯ୍ୟକ୍ରମ ‘କୌନ ବନେଗା କରୋଡ଼ପତି’ର ହୋଷ୍ଟ କରୁଥିବା ଦେଶର ଲୋକପ୍ରିୟ ଅଭିନେତା ଅମିତାଭ ବଚ୍ଚନ କେନ୍ଦ୍ରମନ୍ତ୍ରୀ ଧର୍ମେନ୍ଦ୍ର ପ୍ରଧାନଙ୍କ ଫଟୋ ଦେଖାଇ ସେ କେଉଁ ନାମରେ ପରିଚିତ ବୋଲି ପ୍ରଶ୍ନ ପଚାରିଥିଲେ । ପ୍ରଶ୍ନର 4ଟି ଅପସନ୍ ଥିଲା – ସ୍ବଚ୍ଛ ଭାରତ ମ୍ୟାନ, ମନ୍ ଧନ ମ୍ୟାନ, ଜନଧନ ମ୍ୟାନ ଏବଂ ଉଜ୍ଜ୍ବଳା ମ୍ୟାନ୍ । ଅଶ୍ବିନୀ କୁମାର ସିହ୍ନା ଧର୍ମେନ୍ଦ୍ର ପ୍ରଧାନଙ୍କୁ ଉଜ୍ଜ୍ବଳା ମ୍ୟାନ ବୋଲି କହିଥିଲେ । ଅଭିନେତା ଅମିତାଭ ବଚ୍ଚନ ଏହା ସଠିକ୍ ଉତ୍ତର କହିବା ପରେ ଉପସ୍ଥିତ ଦର୍ଶକ ତାଳି ମାରିଥିଲେ ଏବଂ ପରେ ଅମିତାଭ୍ 2014ରୁ 2021 ପର୍ଯ୍ୟନ୍ତ ଧର୍ମେନ୍ଦ୍ରଙ୍କର ପେଟ୍ରୋଲିୟମ ଓ ପ୍ରାକୃତିକ ଗ୍ୟାସ ମନ୍ତ୍ରୀ ହିସାବରେ ଉଜ୍ଜ୍ବଳା ଯୋଜନାର ସଫଳ ରୂପାୟନକୁ ପ୍ରଶଂସା କରିଥିଲେ ।