ଭୁବନେଶ୍ବର: ଦିନକୁ ଦିନ ରାଜଧାନୀରେ ନିଶା ବେପାରୀଙ୍କ ସଂଖ୍ୟା ବଢ଼ିବାରେ ଲାଗିଛି । ନିଶା ବେପାରୀଙ୍କ ଉପରେ କମିଶନରେଟ ପୋଲିସ ତୀକ୍ଷ୍ଣ ନଜର ରହିଲେ ମଧ୍ୟ ନିଶା କାରବାରରେ ଲିପ୍ତ ରହୁଛନ୍ତି ନିଶା ବେପାରୀ । ତେବେ ସ୍ମାର୍ଟ ସିଟିରେ ନିଶା କାରବାର ଅତ୍ୟଧିକ ବଢିବା ନଜରକୁ ଆସିଛି । ମଙ୍ଗଳବାର କ୍ୟୁଏଟି (କ୍ବିଇକ ଆକ୍ସନ ଟିମ) ଦ୍ବାରା ଜବତ ହୋଇଛି 15 ଗ୍ରାମ ହେରୋଇନ ।
ଭିଡିଓ ସୌଜନ୍ୟ: ସମ୍ବାଦଦାତା, ଭୁବନେଶ୍ବର
ସୂଚନା ଅନୁସାରେ କ୍ୟୁଏଟି ଓ ଖଣ୍ଡଗିରି ପୋଲିସର ମିଳିତ ଉଦ୍ୟମରେ ଖଣ୍ଡଗିରି ଅଧୀନରେ ଥିବା ଆମ୍ବେଦକର କଲେଜ ନିକଟରେ ଗ୍ରାହକ ମାନଙ୍କୁ ଜଗି ରହିଥିଲେ ଦୁଇ ନିଶା ବେପାରୀ । ପୂର୍ବ ନିର୍ଦ୍ଧାରିତ ଅନୁଯାୟୀ ପୋଲିସ ଓ କ୍ୟୁଏଟିର ମିଳିତ ଉଦ୍ୟମରେ ଚଢାଉ କରାଯାଇଥିଲା । ଯାହା ଫଳରେ ଦୁଇ ଅଭିଯୁକ୍ତ ପୋଲିସ ହାତରେ ଧରା ପଡ଼ିଥିଲେ । ସେମାନେ ହେଲେ ପାଟନୁ ଖାଁ ଓ ପ୍ରଭାତ ସାହୁ।