ଭୁବନେଶ୍ବର: ଟିକା କେନ୍ଦ୍ରରେ ପୋଷ୍ଟରକୁ ନେଇ ବଡ ବିବାଦ ସୃଷ୍ଟି ହୋଇଛି । ଗୋଟିଏ ପଟେ ଟିକା କେନ୍ଦ୍ରରେ ପ୍ରଧାନମନ୍ତ୍ରୀ ମୋଦିଙ୍କ ଫଟୋ ନଥିବାକୁ ନେଇ ବିଜେପି ସମର୍ଥକ ଅନେକ ସ୍ଥାନରେ ବିକ୍ଷୋଭ କରିବା ସହ ଟିକା କେନ୍ଦ୍ରରେ ନବୀନଙ୍କ ପୋଷ୍ଟର ଚିରୁଥିବା ଦେଖିବାକୁ ମିଳିଛି । ପୁଣି କେଉଁଠି ବିଜେପି କର୍ମୀମାନେ ଟିକାକେନ୍ଦ୍ରରେ ପ୍ରଧାନମନ୍ତ୍ରୀ ମୋଦିଙ୍କ ପୋଷ୍ଟର ଲଗାଉଥିବା ଦେଖାଯାଇଛି ।
‘ଟିକାଦାନ କେନ୍ଦ୍ରରେ ମୋଦିଙ୍କ ଫଟୋ ଲଗାଇଲେ ପୌର ନିର୍ବାଚନରେ ମିଳିବ ଫାଇଦା’
ଏହାରି ଭିତରେ ବିଜେପି ସାଧାରଣ ସମ୍ପାଦକ ଗୋଲକ ମହାପାତ୍ର କହିଛନ୍ତି ଯେ, ଟିକା କେନ୍ଦ୍ରରେ ମୋଦିଙ୍କ ଫଟୋ ଲଗାଇଲେ ଆଗାମୀ ଦିନରେ ଭୁବନେଶ୍ୱରରେ ହେବାକୁ ଥିବା ପୌର ନିର୍ବାଚନରେ ଦଳକୁ ଫାଇଦା ହେବ । ଏଣୁ ସମସ୍ତ କର୍ମୀ ବିଭିନ୍ନ ଟିକା କେନ୍ଦ୍ର ବୁଲିବା ସହ ପ୍ରଧାନମନ୍ତ୍ରୀ ମୋଦିଙ୍କ ଫଟୋ ଲଗାଇବା ପାଇଁ କର୍ମୀମାନଙ୍କୁ କୁହାଯାଇଛି ।