ନୂଆଦିଲ୍ଲୀ/ଭୁବନେଶ୍ବର: ପୁରୀରେ ପୋଲିସ ହେପାଜତରେ ଥିବା କେ ରମେଶଙ୍କ ମୃତ୍ୟୁ ଘଟଣାକୁ ନେଇ ଜାତୀୟ ମାନବ ଅଧିକାର ଆୟୋଗ ରାଜ୍ୟ ସରକାରଙ୍କୁ ନୋଟିସ କରିଥିବା ସୂଚନା । ମୁଖ୍ୟ ଶାସନ ସଚିବ ଓ ଡିଜିପିଙ୍କୁ ଘଟଣା ନେଇ ନୋଟିସ କରିଛନ୍ତି ଏନଏଚଆରସି । 4 ସପ୍ତାହ ମଧ୍ୟରେ ଜବାବ ଦାଖଲ କରିବାକୁ ଏନଏଚଆରସି ପକ୍ଷରୁ କୁହାଯାଇଛି ।
ପୁରୀ ହାଜତ ମୃତ୍ୟୁ ମାମଲା; ରାଜ୍ୟ ସରକାରଙ୍କୁ ଏନଏଚଆରସିର ନୋଟିସ୍
ଆଜି ହାଜତ ମୃତ୍ୟୁ ନେଇ ଏନଏଚଆରସିର ଦ୍ବାରସ୍ଥ ହୋଇଥିଲେ ବିଜେପି ମୁଖପାତ୍ର ସମ୍ବିତ ପାତ୍ର । ମୃତବ୍ୟକ୍ତିଙ୍କ ପିତାମାତାଙ୍କୁ ସ୍ଥାନୀୟ ପୋଲିସ ଅମାନୁଷିକ ଉପାୟରେ ଉଠାଇ ନେଇ ଅଜ୍ଞାତ ସ୍ଥାନରେ ରଖିଥିବାର ମଧ୍ୟ ଅଭିଯୋଗ କରିଥିଲେ । ଏହାସହ ହିନ୍ଦୁ ରୀତିନୀତି ପାଳନ ନକରି ତାଙ୍କର ମୃତଦେହକୁ ପୋଲିସ ସତ୍କାର କରିଥିବାର ମଧ୍ୟ ଅଭିଯୋଗ କରିଥିଲେ ସମ୍ବିତ ।