ଭୁବନେଶ୍ବର: ନାଚ ଗୀତରେ ମସଗୁଲ ପୋଲିସ ପରିବାର । ନିଜ କର୍ତ୍ତ୍ୟବରେ ବ୍ୟସ୍ତ ରହୁଥିବା ପୋଲିସ ଅଧିକାରୀଙ୍କ ପରିବାରକୁ ମନୋରଞ୍ଜନ କରିଛନ୍ତି ଓଲିଉଡର ଅଭିନେତା ଓ ଅଭିନେତ୍ରୀ । ନାଚିଲେ, ନଚାଇଲେ ଓ ମନଭରି ସେଲଫି ମଧ୍ୟ ନେଲେ । ଏମିତି କିଛି ଦୃଶ୍ୟ ଥିଲା ପୋଲିସ କମିସନରେଟ ମୁଖ୍ୟାଳୟରେ । ଅବସର ଥିଲା ଦଶହରା ।
ପୋଲିସ ପରିବାରକୁ ଖୁସି ମନାଇଲେ ଅଭିନେତା, ଅଭିନେତ୍ରୀ ଦଶହରା ଡ୍ୟୁଟି ଯୋଗୁଁ ପୋଲିସ ଅଧିକାରୀ ପରିବାର ସହ ପୂଜା ମଉଜ ଉଠାଇବାରୁ ବଞ୍ଚିତ ହେଉଛନ୍ତି । ତେବେ ଏକ ସ୍ବତନ୍ତ୍ର କାର୍ଯ୍ୟକ୍ରମରେ ପୋଲିସ କର୍ମଚାରୀଙ୍କ ପରିବାରକୁ ଖୁସି ଦେଇଛନ୍ତି ଅଭିନେତା ଓ ଅଭିନେତ୍ରୀ । ଓଲିଉଡ କଳାକାର ସବ୍ୟସାଚୀ, ଅର୍ଚ୍ଚତା, ଲିପସା ଓ ଅନେକ ଅଭିନେତା ଗୀତ ନାଚ ମାଧ୍ୟମରେ ମନୋରଞ୍ଜନ କରିଥିଲେ ।
ରିଲ ଲାଇଫ ଏବଂ ରିୟଲ ଲାଇଫକୁ ନିଜ କଳା ମାଧ୍ୟମରେ ପ୍ରଦର୍ଶନ କରିଥିଲେ । ଯାହାର ମନଭରି ଆନନ୍ଦ ଉଠାଇଥିଲେ ପୋଲିସ ପରିବାର । ରାଜ୍ୟ ଓ ରାଷ୍ଟ୍ର ଦାୟିତ୍ବରେ ସମର୍ପିତ ଏହି ଅଧିକାରୀ । ଫଳରେ ପରିବାର ଲୋକଙ୍କୁ ସମୟ ଦେଇପାରନ୍ତି ନାହିଁ । ପୋଲିସ କଲ୍ୟାଣ ସମିତି ଏପରି ଏକ ଅଭିନବ ଅଭିଯାନ କରି ସେମାନଙ୍କୁ ଆନନ୍ଦ ଦେଇପାରିଛି ।
ଭୁବନେଶ୍ବରରୁ ତାପସ ପରିଡ଼ା, ଇଟିଭି ଭାରତ
