ଭୁବନେଶ୍ବର: କେନ୍ଦ୍ର ସରକାର ଆଣିଥିବା କୃଷି ଆଇନକୁ ବିରୋଧ କରି ରାଜ୍ୟର ପ୍ରତି ବ୍ଲକରେ କରାଯିବ ଜନଜାଗରଣ ସଭା । ଏହା ସହିତ ଆସନ୍ତା 18 ତାରିଖ ମହିଳା କୃଷକ ଦିବସରେ ନବରଙ୍ଗପୁର ଠାରେ ବିଶାଳ କୃଷକ ସଭା ଆୟୋଜନ କରାଯିବ ବୋଲି ରାଷ୍ଟ୍ରୀୟ କିଷାନ ମଜଦୂର ମହାସଂଘ ପକ୍ଷରୁ ସ୍ଥାନୀୟ ସାମ୍ବାଦିକ ଭବନ ପରିସରରେ ଆୟୋଜିତ ଏକ ସାମ୍ବାଦିକ ସମ୍ମିଳନୀରେ କୁହାଯାଇଛି ।
ରାଜ୍ୟର ପ୍ରତ୍ୟେକ ବ୍ଲକରେ ହେବ ଜନ ଜାଗରଣ ସଭା ସଙ୍ଘର ସଭାପତି ସଚିନ ମହାପାତ୍ରଙ୍କ କହିବା ଅନୁସାରେ କେନ୍ଦ୍ର ସରକାର ଆଣିଥିବା କୃଷି ସମ୍ବନ୍ଧୀୟ 3ଟି ବିଲ କୃଷକମାନଙ୍କ ସ୍ବାର୍ଥ ହାସଲ ପରିବର୍ତ୍ତେ ସେମାନଙ୍କୁ ଧ୍ବଂସ କରିଦେବ । ତେଣୁ ଏହି ବିଲକୁ କେନ୍ଦ୍ର ସରକାର ପ୍ରତ୍ୟାହାର କରନ୍ତୁ, ନଚେତ କୃଷକ ସଙ୍ଗଠନ ପକ୍ଷରୁ ଜାନୁୟାରୀ 26 ତାରିଖରେ ଦିଲ୍ଲୀରେ ଆୟୋଜିତ ହେବାକୁ ଥିବା କୃଷକ ପ୍ୟାରେଡ଼କୁ ଲାଲକିଲ୍ଲା ଯିବାକୁ ଅନୁମତି ଦିଅନ୍ତୁ ବୋଲି ସେ କହିଛନ୍ତି ।
ଭୁବନେଶ୍ବରରୁ ଲକ୍ଷ୍ମିକାନ୍ତ ଦାସ, ଇଟିଭି ଭାରତ
