ଭୁବନେଶ୍ବର: କୁବେର ପିଏସ୍ ବିରଞ୍ଚି ସାହୁ ଗିରଫ ଘଟଣାରେ ଫିଟୁଛି ଗୋଟିଏ ପରେ ଗୋଟିଏ ଗୁମର। ଟଙ୍କା ଦିଅ ଚାକିରୀ ନିଅ ର ଜାଲ କେମିତି ବୁଣିଥିଲେ ବିରଞ୍ଚି ତାର ଏକ ନୂଆ ଫର୍ଦ୍ଦ ପୁଣି ଯୋଡିହୋଇଛି। ବିରଞ୍ଚି ଟଙ୍କା ନେଇ ଚାକିରି ଦେବାକୁ କମିଶନରେଟ ପୋଲିସ କର୍ମଚାରୀଙ୍କୁ ବ୍ୟବହାର କରିଥିବା ସାଙ୍ଘାତିକ ଅଭିଯୋଗ ଆଣିଛନ୍ତି ପୁରୀ ବ୍ରହ୍ମଗିରି ଅଞ୍ଚଳର ଜଣେ ତତ୍କାଳୀନ ପରୀକ୍ଷାର୍ଥୀ ।
ପିଏସ୍ ବିରଞ୍ଚି ସାହୁ ଗିରଫ ଘଟଣା: ଫିଟୁଛି ଗୁମର, ବଢୁଛି ଅଭିଯୋଗର ଫର୍ଦ୍ଦ
ସୂଚନା ଅନୁସାରେ ବ୍ରହ୍ମଗିରିର ଶ୍ରୀନିବାସ ଦଳାଇ ୨୦୧୬ରେ ପୋଲିସ ବିଭାଗରେ ଭର୍ତ୍ତି ପାଇଁ ପରୀକ୍ଷା ଦେଇଥିଲେ। କିନ୍ତୁ ସେହି ସମୟରେ କମିଶନରେଟ ପୋଲିସରେ କନେଷ୍ଟବଳ ପାଇଁ ତାଙ୍କୁ ୫ ଲକ୍ଷ ଟଙ୍କା ଦେଲେ ଚାକିରି ନିଶ୍ଚିତ ମିଳିବ ବୋଲି କହି ପ୍ରବର୍ତ୍ତାଇଥିଲେ । ତାଙ୍କର ତତ୍କାଳୀନ ପିଏସ ବିରଞ୍ଚି ସାହୁଙ୍କ ସହ ଭଲ ସମ୍ପର୍କ ରହିଥିଲା ଏବଂ ଟଙ୍କା ନେଇ ବିରଞ୍ଚିକୁ ଦେବେ ବୋଲି କହିଥିଲେ ବୋଲି ଶ୍ରୀନିବାସ ଅଭିଯୋଗ କରିଛନ୍ତି।