ଭୁବନେଶ୍ବର: ୧୪ ଦଫା ଦାବିରେ ଭୁବନେଶ୍ବରରେ ବସ୍ତି ବାସିନ୍ଦାଙ୍କ ବିଶାଳ ଗଣ ସମାବେଶ । ବସ୍ତି ଥଇଥାନ ପାଇଁ ଉଦ୍ଦିଷ୍ଟ କୋଠାଘର ଆବଣ୍ଟନରେ ଦୁର୍ନୀତି ନେଇ ଗୁରୁବାର ଭୁବନେଶ୍ବର ମହାନଗର ନିଗମ ସମ୍ମୁଖରେ ହଜାର ହଜାର ବସ୍ତି ବାସିନ୍ଦାଙ୍କ ଗଣ ବିକ୍ଷୋଭ। ଭୁବନେଶ୍ବରରେ ପ୍ରାୟ ୫୦୦ରୁ ଊର୍ଦ୍ଧ୍ବ ବସ୍ତି ରହିଛି । ସରକାର ଥଇଥାନ ଆଳରେ ସେଗୁଡିକ ଭାଙ୍ଗି ଦେଉଛନ୍ତି ବୋଲି ବସ୍ତି ବାସିନ୍ଦା ଅଭିଯୋଗ କରିଛନ୍ତି।
ବସ୍ତି ବାସିନ୍ଦାଙ୍କ ପାଇଁ କୋଠାଘର ଆବଣ୍ଟନରେ ଅନିୟମିତତାର ଭିଜିଲାନ୍ସ ତଦନ୍ତ, ସ୍ପଷ୍ଟ ବସ୍ତି ଥଇଥାନ ଓ ଗୃହ ଆବଣ୍ଟନ ନୀତି ଘୋଷଣା, ବଳପୂର୍ବକ ଏବଂ ଷଡଯନ୍ତ୍ର ମୂଳକ ଉଚ୍ଛେଦ ଉପରେ ରୋକ, ବସ୍ତି ଭାଙ୍ଗି ବସ୍ତି ଗଢିବା ନୀତି ବାତିଲ, ବସ୍ତିରେ ରହୁଥିବା ପରିବାରକୁ ଥଇଥାନ ଅନ୍ତର୍ଭୁକ୍ତ କରିବା, ଆନ୍ଦୋଳନକାରୀଙ୍କ ଉପରୁ ମିଥ୍ୟା ମୋକଦ୍ଦମା ପ୍ରତ୍ୟାହାର, ଅସାଧୁ ମେଣ୍ଟ ଓ ବିଲ୍ଡରଙ୍କ ସ୍ବାର୍ଥରେ ଆକ୍ରମଣକାରୀଙ୍କୁ ତୁରନ୍ତ ଗିରଫ କରାଯାଉ । ଏଭଳି ଦାବି ନେଇ ଆଜି ବିଏମସି ଘେରାଓ କରିଛୁ ବୋଲି ସୂଚନା ଦେଇଛନ୍ତି ବସ୍ତି ସୁରକ୍ଷା ମଞ୍ଚ ସାଧାରଣ ସମ୍ପାଦିକା ପ୍ରମିଳା ବେହେରା।
ଭୁବନେଶ୍ବରରୁ ସଞ୍ଜୀବ ରାୟ, ଇଟିଭି ଭାରତ
