ଭୁବନେଶ୍ବର: ପଶ୍ଚିମବଙ୍ଗରେ ବିଜେପି ରାଷ୍ଟ୍ରୀୟ ଅଧ୍ୟକ୍ଷ ଜେପି ନଡ୍ଡାଙ୍କ ଗାଡିକୁ ଆକ୍ରମଣ ଘଟଣାକୁ ଦୃଢ ନିନ୍ଦା କରିଛି ବିଜେପି । ଏନେଇ ବିଜେପି ରାଜଧାନୀରେ ପ୍ରତିବାଦ କରିଛି । ନଡ୍ଡାଙ୍କୁ ଆକ୍ରମଣ ଘଟଣାକୁ ବିଜେପି ନିନ୍ଦା କରିବା ସହ ପଶ୍ଚିମବଙ୍ଗ ମୁଖ୍ୟମନ୍ତ୍ରୀଙ୍କ କୁଶ ପୁତ୍ତଳିକା ଦାହ କରିଛି ।
ସୂଚନା ଅନୁଯାୟୀ ପଶ୍ଚିମବଙ୍ଗରେ ବିଜେପି ସଭାପତି ଜେପି ନଡ୍ଡାଙ୍କ ଗାଡ଼ିକୁ ପଥର ମାଡ଼ ହୋଇଥିଲା । ଗୁରୁବାର 10 ତାରିଖରେ ବିଜେପି ସଭାପତି ନଡ୍ଡା କୋଲକାତାର ଡାଇମଣ୍ଡ ହାର୍ବର ଗସ୍ତ କରିଥିଲେ । ଏହି ସମୟରେ କେତେକ ଦୁର୍ବୃତ୍ତ ତାଙ୍କ ଗାଡି ଉପରକୁ ପଥର ମାଡ କରିଥିଲେ । ଯାହାକୁ ରାଜ୍ୟ ବିଜେପି ପକ୍ଷରୁ ତୀବ୍ର ବିରୋଧ କରାଯାଇଛି । ଏନେଇ ଆଜି(ଶୁକ୍ରବାର) ମାଷ୍ଟର କ୍ୟାଣ୍ଟିନ ନିକଟରେ ଏକ ପ୍ରତିବାଦ ସଭା ଅନୁଷ୍ଠିତ କରିଛି ବିଜେପି । ନଡ୍ଡାଙ୍କ ଉପରେ ଆକ୍ରମଣକୁ ବିଜେପି ନିନ୍ଦା କରିବା ସହ ପଶ୍ଚିମବଙ୍ଗ ମୁଖ୍ୟମନ୍ତ୍ରୀ ମମତା ବାନାର୍ଜୀଙ୍କ କୁଶ ପୁତ୍ତଳିକା ଦାହ କରିଛି ।
ଭୁବନେଶ୍ବରରୁ ସଞ୍ଜୀବ କୁମାର ରାୟ, ଇଟିଭି ଭାରତ