ଭୁବନେଶ୍ବର: ଦିଲ୍ଲୀ ପୋଲିସ ହାତରେ ନାଇଜେରିଆ ଠକ, OCAC CEO ନାଁରେ ଠକେଇ ଲିଙ୍କ୍ ଥିବା ସନ୍ଦେହ । ବାଙ୍ଗାଲୋରରୁ ଧରାପଡିଲା ନାଇଜେରିଆ ଠକ। ନାଇଜେରିଆନ ସାଇବର ଠକ ଗ୍ୟାଙ୍ଗର ଅନ୍ୟତମ ଅଭିଯୁକ୍ତ ଓକଉଦିରି ପାଶ୍ଚାଲକୁ ଗିରଫ କରିଛି ଦିଲ୍ଲୀ ପୋଲିସ। ତେବେ OCAC ସିଇଓ ମନୋଜ ପଟ୍ଟନାୟକଙ୍କ ନାମରେ ୭ଲକ୍ଷ ଠକେଇ ମାମଲାରେ ଏହି ଅଭିଯୁକ୍ତ ଥାଇପାରେ ବୋଲି ସନ୍ଦେହ କରୁଛି ଓଡିଶା କ୍ରାଇମବ୍ରାଞ୍ଚ। ଯାହାକୁ ନେଇ ଏନେଇ ପଚରାଉଚୁରା ପାଇଁ ଦିଲ୍ଲୀ ଅଭିମୁଖେ ବାହାରିଛି ଓଡିଶା କ୍ରାଇମବ୍ରାଞ୍ଚର ଦୁଇଜଣିଆ ଟିମ ।
ତେବେ ସମ୍ପୃକ୍ତ ଅଭିଯୁକ୍ତ ଗିରଫ ପରେ ଦିଲ୍ଲୀ ପୋଲିସ ତାକୁ ରିମାଣ୍ଡରେ ନେଇଛି । ପୂର୍ବରୁ ଏହି ଗ୍ୟାଙ୍ଗର ପୂର୍ବତନ ଅଭିଯୁକ୍ତ ଚିମୁନମ ଉମାନୁଏଲକୁ ଗିରଫ କରିଥିଲା ଦିଲ୍ଲୀ ପୋଲିସ। ମାତ୍ର ତା'ର ଏହି ଘଟଣାରେ ସମ୍ପୃକ୍ତି ନଥିଲା ବୋଲି ଜଣାପଡିଥିଲା ।