ଭୁବନେଶ୍ବର: 'ମୋ ବସ' ଯାତ୍ରୀଙ୍କ ପାଇଁ ଖୁସି ଖବର । ଏସି ବସରେ 2 ମାସ ପର୍ଯ୍ୟନ୍ତ ରିହାତି ପାଇବେ ଯାତ୍ରୀ । କମିଲା ୩୮ ପ୍ରତିଶତ ଭଡା । ଡିସେମ୍ବର 1 ରୁ ଜାନୁୟାରୀ ୩୧ ପର୍ଯ୍ୟନ୍ତ ଲାଗୁ ହେବ ଏହି ନୂଆ ବସ ଭଡା ।
ଶୀତଦିନ ପାଇଁ ୩୦ ପ୍ରତିଶତ ହ୍ରାସ ପାଇଲା ଏସି ବସ ଭଡା । ବସ ଭଡା ଦେବା ବେଳେ ଆଉ ଖୁଚୁରା ପଇସା ଦେବାକୁ ପଡିବନାହିଁ । ଶୀତ ଦିନ ପାଇଁ 'ମୋ ବସ' ର ଏସି ବସରେ ଭଡା କମିଛି । ଭୁବନେଶ୍ବର ନନ ଏସି ବସ ମାସିକ ପାସ ପାଇଁ ୬୦୦ ରହିଥିବା ବେଳେ ବର୍ତ୍ତମାନ ୫୫୦ ଟଙ୍କା ହୋଇଛି ।
ଏସି ବସର ପାସ ୯୦୦ ଟଙ୍କା ରହିଥିବା ବେଳେ ବର୍ତ୍ତମାନ ୭୦୦ ଟଙ୍କା ହୋଇଛି । ମ୍ୟାଜିକ ନନ ଏସି ବସ ପାଇଁ ୧୨୦୦ ଟଙ୍କା ରହିଥିବା ବେଳେ ବର୍ତ୍ତମାନ ୧୧୦୦ ଟଙ୍କା ରଖାଯାଇଛି । ଏସି ପାସ ୧୮୦୦ ଟଙ୍କା ରହିଥିବା ବେଳେ ବର୍ତ୍ତମାନ ୧୫୦୦ ଟଙ୍କାକୁ ଖସିଛି ।
ଏହାବାଦ ଖୁବଶୀଘ୍ର ଭୁବନେଶ୍ବରରେ ଗଡ଼ିବ ଆଉ ୫୦ ଟି ନୂଆ ବସ । ଡିସେମ୍ବର ୧୫ ସୁଦ୍ଧା ଇ-ବସ ଟେଣ୍ଡର ପ୍ରକ୍ରିୟା ଶେଷ ହେବ । ୨୦୨୦ରେ ଚାଲିବ ୧୦୦ ଟି ନୂଆ ବସ । ୮୦ ଟି ପୁରୁଣା ବସକୁ ମରାମତି କରି ଗଡ଼ିବ ବସ । 'ମୋ ବସ' ର ଭଡା ସୁବ୍ୟବସ୍ଥିତ କରିବା ପାଇଁ 5 ଏକାଧିକ ବ୍ୟବସ୍ଥା କରାଯିବ। ଏନେଇ ସୂଚନା ଦେଇଛନ୍ତି କ୍ରୁଟ ର ମହାପ୍ରବନ୍ଧକ ଦୀପ୍ତି ମହାପାତ୍ର ।
ଭୁବନେଶ୍ବରରୁ ବିକାଶ କୁମାର ଦାସ, ଇଟିଭି ଭାରତ
