ଭୁବନେଶ୍ବର: ରାଜ୍ୟରେ ଟୀକାକରଣକୁ ନେଇ ବିଜେପି ଯୁବ ମୋର୍ଚ୍ଚାର ସାମ୍ବାଦିକ ସମ୍ମିଳନୀ । ରାଜ୍ୟ ବିଜେପି କାର୍ଯ୍ୟାଳୟରେ ରାଜ୍ୟ ବିଜେପି ସଭାପତି ଇରାସିଶ ଆଚାର୍ଯ୍ୟ ଓ ରାଜ୍ୟ ବିଜେପି ସମ୍ପାଦକ ଡକ୍ଟର ପ୍ରକାଶ ଚନ୍ଦ୍ର ଦଳେଇଙ୍କ ଉପସ୍ଥିତିରେ ଏହି ସାମ୍ବାଦିକ ସମ୍ମିଳନୀ ହୋଇଛି ।
ବିଜେପି ଯୁବ ମୋର୍ଚ୍ଚାର ସାମ୍ବାଦିକ ସମ୍ମିଳନୀ
ରାଜ୍ୟରେ ସମସ୍ତ ସ୍ଥାନରେ ଟୀକାକରଣ ବ୍ୟାପକ କରାଯିବ ବୋଲି ରାଜ୍ୟ ସରକାର କହିଥିଲେ । ଏ ନେଇ ଓଡିଶା 2କୋଟି ଟିକା ଅର୍ଡର କରିଛି । ରାଜ୍ୟକୁ ଟିକା ଆସିବା ପରେ ମଧ୍ୟ ଅନେକ ସ୍ଥାନରେ ଟିକାକରଣ ବନ୍ଦ ରହିଥିବା ନଜରକୁ ଆସିଛି । ବିଶେଷ କରି ରାଜ୍ୟରେ ଯୁବବର୍ଗଙ୍କୁ ଟିକା ପ୍ରଦାନ ବାଧାପ୍ରାପ୍ତ ହୋଇଛି । ଏହି ସମସ୍ୟାର ସମାଧାନ ପାଇଁ ବିଜେପି ପକ୍ଷରୁ ମୁଖ୍ୟମନ୍ତ୍ରୀଙ୍କୁ ଚିଠି ଲେଖାଯାଇଥିଲା । ରାଜ୍ୟ ସରକାର ବାହାସ୍ପଟ ମାରିବା ଅପେକ୍ଷା ଏ ଯାଏଁ କେତେ ଯୁବବର୍ଗଙ୍କୁ ଟିକା ଦିଆଯାଇଛି ତାହା ସାର୍ବଜନୀନ କରନ୍ତୁ ବୋଲି କହିଛି ରାଜ୍ୟ ବିଜେପି ।