ଭୁବନେଶ୍ବର: କ୍ବାରେଣ୍ଟାଇନ କେନ୍ଦ୍ରରେ ବିଶୃଙ୍ଖଳା କଲେ ଅନ୍ୟ ଜିଲ୍ଲାର କ୍ବାରେଣ୍ଟାଇନ ସେଣ୍ଟରକୁ ସ୍ଥାନାନ୍ତର କରାଯିବ। ଦିଆଯାଉଥିବା ସରକାରୀ ସୁବିଧା ବନ୍ଦ କରିଦିଆଯିବ। ଆବଶ୍ୟକ ପଡିଲେ ସେମାନଙ୍କର ବିରୋଧରେ କାର୍ଯ୍ୟାନୁଷ୍ଠାନ ଗ୍ରହଣ କରାଯିବ ବୋଲି ପ୍ରେସ ବିବୃତିରେ କହିଛନ୍ତି ପଞ୍ଚାୟତିରାଜ ବିଭାଗର ପ୍ରମୁଖ ଶାସନ ସଚିବ ଦେଓ ରଞ୍ଜନ କୁମାର ସିଂହ ।
କ୍ବାରେଣ୍ଟାଇନ କେନ୍ଦ୍ରରେ ବିଶୃଙ୍ଖଳା କଲେ ଅନ୍ୟ ଜିଲ୍ଲାର କ୍ବାରେଣ୍ଟାଇନ କେନ୍ଦ୍ରକୁ କରାଯିବ ସ୍ଥାନାନ୍ତର
ମେ 3 ତାରିଖ ପରଠାରୁ ଓଡିଶାକୁ ଫେରିଛନ୍ତି 35 ହଜାର 540 ଜଣ। ସେମାନେ ସମସ୍ତେ ଟ୍ରେନ ଓ ବସ ମାଧ୍ୟମରେ ଫେରିଛନ୍ତି। ସମସ୍ତ ପଞ୍ଚାୟତରେ ପ୍ରାୟ 12 ହଜାର ଅସ୍ଥାୟୀ ମେଡିକାଲ କ୍ୟାମ୍ପ କରାଯାଇଛି। ଏସମସ୍ତ କ୍ୟାମ୍ପରେ 5 ଲକ୍ଷ ଶଯ୍ୟାର ବ୍ୟବସ୍ଥା କରାଯାଇଛି। ଏଠାରେ ସମସ୍ତ ପ୍ରକାର ବ୍ୟବସ୍ଥା ହୋଇଛି । ଏହା କୌଣସି ହୋଟେଲ ଠାରୁ କମ୍ ନୁହେଁ । ଏଭଳି ବ୍ୟବସ୍ଥା ଦେଶରେ ପ୍ରଥମ ଥର ପାଇଁ ଓଡିଶା ସରକାର କରିଛନ୍ତି। କିଭଳି ଭାବେ ପ୍ରବାସୀ ଓଡିଆ ସଙ୍ଗରୋଧ କେନ୍ଦ୍ରରେ ଭଲ ଭାବରେ ରହିବେ ସେଥିପାଇଁ ସମସ୍ତ ପ୍ରକାରର ବ୍ୟବସ୍ଥା କରାଯାଇଛି।