ଭୁବନେଶ୍ବର: ଆଜି ଓଡିଶା ଆସୁଛନ୍ତି ରାଷ୍ଟ୍ରପତି ରାମନାଥ କୋବିନ୍ଦ । ସ୍ବତନ୍ତ୍ର ବିମାନ ଯୋଗେ ସନ୍ଧ୍ୟା 6ଟାରେ ବିଜୁ ପଟ୍ଟନାୟକ ବିମାନ ବନ୍ଦରରେ ପହଞ୍ଚିବେ । ରାଜ୍ୟପାଳ ଗଣେଶୀ ଲାଲ, ମୁଖ୍ୟମନ୍ତ୍ରୀ ବିମାନ ବନ୍ଦରରେ ପହଞ୍ଚି ରାଷ୍ଟ୍ରପତିଙ୍କୁ ସ୍ବାଗତ ଜଣାଇବେ । ଏହା ପରେ ରାଷ୍ଟ୍ରପତି ରାଜଭବନ ଯିବେ ସେଠାରେ ରାତ୍ରିଯାପନ କରିବେ । ତିନି ଦିନିଆ ଗସ୍ତରେ ଆସି ସେ ବିଭିନ୍ନ କାର୍ଯ୍ୟକ୍ରମରେ ଯୋଗ ଦେବେ । ସେପଟେ ରାଷ୍ଟ୍ରପତିଙ୍କ ଗସ୍ତକୁ ନେଇ ସୁରକ୍ଷା ବ୍ୟବସ୍ଥାକୁ କଡାକଡି କରାଯାଇଛି ।
ଆସନ୍ତାକାଲି(ରବିବାର) ସକାଳ 9ଟାରେ ରାଷ୍ଟ୍ରପତି ବିମାନରେ ଝାରସୁଗୁଡା ଦେଇ ରାଉରକେଲା ଯିବେ । ସେଠାରେ ଏନଆଇଟିର ସମାବର୍ତ୍ତନ କାର୍ଯ୍ୟକ୍ରମରେ ସାମିଲ ହେବେ । ଅପରାହ୍ନରେ ରାଉରକେଲା ଷ୍ଟିଲ ପ୍ଲାଣ୍ଟ ସୁପର ସ୍ପେସିଆଲିଟି ହସ୍ପିଟାଲର ଉଦଘାଟନ କରିବେ । ଏହା ପରେ ପୁଣି ଭୁବନେଶ୍ବର ଫେରି ଯାଇ ରାଜଭବନରେ ରାତ୍ରିଯାପନ କରିବେ ରାମନାଥ ।