ଜିରୋ ନାଇଟ ସେଲିବ୍ରେସନ: ସମସ୍ତ ହୋଟେଲରେ ପ୍ରସ୍ତୁତି ଶେଷ

ଆଉ କିଛି ଘଣ୍ଟାର ଅପେକ୍ଷା । ଆଉ ତାପରେ ସବୁଠି ଆରମ୍ଭ ହୋଇଯିବ ସେଲିବ୍ରେସନ । କାରଣ ନୂତନ ବର୍ଷକୁ ସ୍ବାଗତ କରିବା ନେଇ ଉତ୍ସାହିତ ସମସ୍ତ ରାଜଧାନୀବାସୀ। ଅଧିକ ପଢନ୍ତୁ..

ଭୁବନେଶ୍ବର: ପୁରୁଣା ବର୍ଷକୁ ବିଦାୟ ଦେବା ସହ ନୂତନ ବର୍ଷକୁ ସ୍ବାଗତ ପାଇଁ ସବୁଠି ଉତ୍ସାହର ମାହୋଲ । ସେନେଇ ସର୍ବତ୍ର ପାଳନ ହେବ ଜିରୋ ନାଇଟ ସେଲିବ୍ରେସନ। ଆଉ ଏଥିପାଇଁ ରାଜଧାନୀର ବିଭିନ୍ନ ହୋଟେଲରେ ପ୍ରସ୍ତୁତି ଶେଷ ହୋଇଛି ।

ନୂତନ ବର୍ଷକୁ ସ୍ବାଗତ ଜଣାଇ ପାଳନ ହେବ ଜିରୋ ନାଇଟ ସେଲିବ୍ରେସନ

ହୋଟେଲରେ ଭଳିକି ଭଳି ଖାଦ୍ୟ ଓ ପାନୀୟ ସହ ସୁରକ୍ଷା ଉପରେ ମଧ୍ୟ ଵିଶେଷ ଧ୍ୟାନ ଦିଆଯିବ ବୋଲି ହୋଟେଲ ପକ୍ଷରୁ କୁହାଯାଉଛି। ରାଜଧାନୀର ଅନେକ ବଡ଼ ବଡ଼ ହୋଟେଲ ଓଲିଉଡ ଓ ବଲିଉଡ ଷ୍ଟାର ସହ ବ୍ରାଜିଲିଆନ ବେଲି ଡାନ୍ସରଙ୍କୁ ଅଣାଯାଇ ଗ୍ରାହକଙ୍କୁ ଆକୃଷ୍ଟ କରିବାରେ ଲାଗିପଡିଛନ୍ତି।

ଅନ୍ୟପଟେ ଏସବୁ ସେଲିବ୍ରେସନ ପାଇଁ ଲୋକଙ୍କୁ ବିଭିନ୍ନ ରକମର ଖାଦ୍ୟ ଦେବାରେ ବି ବେଶ କସରତ କରୁଛନ୍ତି ହୋଟେଲର ସେଫ। ରାତିରେ ମଦ୍ୟପ ଲୋକଙ୍କୁ ସଂପୂର୍ଣ୍ଣ ସୁରକ୍ଷା ଭିତରେ ତାଙ୍କୁ ଘରେ ପହଞ୍ଚାଇବା ପାଇଁ ମଧ୍ୟ କିଛି ହୋଟେଲ ତରଫରୁ ବ୍ୟବସ୍ଥା କରାଯାଇଥିବା କୁହାଯାଇଛି। କେତେକ ହୋଟେଲରେ ବର୍ତ୍ତମାନ ଏଣ୍ଟ୍ରି ପାଇଁ କରାଯାଇଥିବା କାର୍ଡ ସଂପୂର୍ଣ୍ଣ ବିକ୍ରୀ ହୋଇଯାଇଥିବାର ସୂଚନା ମିଳିଥିବା ବେଳେ ଆଉ କିଛି ହୋଟେଲରେ ଏହା ଶେଷ ହେବାକୁ ବସିଲାଣି।

ଭୁବନେଶ୍ବରରୁ ଶତରୂପା ସାମନ୍ତରାୟ, ଇଟିଭି ଭାରତ