ପୌର ଫାଇଟ ପୂର୍ବରୁ ଅଶାନ୍ତ ରାଜଧାନୀ, ଥାନା ସାମ୍ନାରେ ୫ ଭାଇଙ୍କୁ ଆକ୍ରମଣ

ରାଜଧାନରେ ପ୍ରାକ୍ ନିର୍ବାଚନୀ ହିଂସା । ବିଜେଡ଼ି କର୍ପୋରେଟର ପ୍ରାର୍ଥୀ ଏବଂ ସମର୍ଥକଙ୍କ ଆକ୍ରମଣରେ ବିଜେପି ପ୍ରାର୍ଥିନୀଙ୍କ ସ୍ବାମୀ, ଦିଅର ଓ ଦେଢଶୂର ଗୁରୁତର । ଅଧିକ ପଢନ୍ତୁ

ଭୁବନେଶ୍ବର: ରାଜଧାନୀ ଭୁବନେଶ୍ବରରେ ପ୍ରଥମ ପ୍ରାକ୍ ନିର୍ବାଚନୀ ହିଂସା । ଲକ୍ଷ୍ମୀ ସାଗର ଥାନା ସାମ୍ନାରେ 5 ଭାଇଙ୍କୁ ସଂଘବଦ୍ଧ ମରଣାନ୍ତକ ଆକ୍ରମଣ । ଲୁହାରଡ୍, ଠେଙ୍ଗା ଓ ଢେଲାରେ ବିଜେପି କର୍ପୋରେଟର ପ୍ରାର୍ଥିନୀଙ୍କ ପରିବାର ଲୋକଙ୍କୁ ପିଟିବା ସହ ଗାଡି ଭାଙ୍ଗିଲେ ବିଜେଡି ପ୍ରାର୍ଥୀ ଏବଂ ସମର୍ଥକ । 33ନଂ ୱାର୍ଡ ବିଜେପି ପ୍ରାର୍ଥିନୀ ଧରିତ୍ରୀ ଜେନାଙ୍କ ସ୍ବାମୀ, ଦିଅର ଓ ଦେଢଶୂରଙ୍କ ଉପରେ ଏହି ଆକ୍ରମଣ ହୋଇଛି । ଗୁରୁତର ଅବସ୍ଥାରେ ସେମାନଙ୍କୁ ଘରୋଇ ହସ୍ପିଟାଲରେ ଭର୍ତ୍ତି କରାଯାଇଛି ।

ଯାହା ସୂଚନା ରହିଛି, ବିଜେଡ଼ି କର୍ପୋରେଟର ପ୍ରାର୍ଥୀନି ସୁଲଗ୍ନା ଜେନାଙ୍କ ସ୍ଵାମୀ ଦିଳ୍ଳୀପ ଜେନା ଏବଂ 32 ନଂ ୱାର୍ଡର ବିଜେଡ଼ି ପ୍ରାର୍ଥୀ ଶିଖର ଜେନା, ଶ୍ରୀଧର ଜେନାଙ୍କ ସହ 60ରୁ ଅଧିକ ଲୋକ ସେମାନଙ୍କ ଉପରେ ସଂଘବଦ୍ଧ ଆକ୍ରମଣ କରିଛନ୍ତି । ପୋଷ୍ଟର ଚିରାକୁ ନେଇ ପ୍ରଥମେ ଗଣ୍ଡଗୋଳ ହୋଇଥିଲା । ଏନେଇ ଅଭିଯୋଗ କରିବାକୁ ଥାନାକୁ ଯାଇଥିବା ବେଳେ ଥାନା ସାମ୍ନାରେ ପୋଲିସ ଉପିସ୍ଥିତିରେ ଗଣ୍ଡଗୋଳ ଘଟିଛି ।

ଭୁବନେଶ୍ବରରୁ ମନୋରଞ୍ଜନ ଶଙ୍ଖୁଆ, ଇଟିଭି ଭାରତ