ଭୁବନେଶ୍ବର: ଆମେ ଚାଷୀଙ୍କ ପାଇଁ ଯାଇଥିଲୁ, ସମ୍ବୋଧିତ ହେବାକୁ ନୁହେଁ । କିଛି ଏଭଳି ମନ୍ତବ୍ୟ ରଖିଛନ୍ତି ବିରୋଧୀ ଦଳ ନେତା ପ୍ରଦୀପ୍ତ ନାଏକ । ମନ୍ତ୍ରୀ ପ୍ରତାପ ଜେନାଙ୍କ ପାପ ଧୋଇବା ବୟାନ ପରେ କ୍ଷୋଭ ପ୍ରକାଶ କରିଛନ୍ତି ବିରୋଧି ଦଳ ନେତା । ମନ୍ତ୍ରୀଙ୍କର ଏହି ବିବୃତି ଅପମାନଜନକ ବୋଲି ପ୍ରଦୀପ୍ତ ମତ ରଖିଛନ୍ତି ।
ପ୍ରତାପ ଜେନାଙ୍କ ପାପ ଧୋଇବା ମନ୍ତବ୍ୟ, କ୍ଷୋଭ ପ୍ରକାଶ କଲେ ପ୍ରଦୀପ୍ତ ନାଏକ
ସେ କହିଛନ୍ତି, ‘ଆମକୁ ପ୍ରତାରଣା କରାଯାଇଛି, ଆମେ ଚାଷୀଙ୍କ ପାଇଁ ଯାଇଥିଲୁ, ସମ୍ବୋଧିତ ହେବାକୁ ନୁହେଁ । ପାପୀ କିଏ ତାହା ଆଗକୁ ଲୋକେ ଦେଖିବେ । ନବୀନ ବାବୁ ଆମକୁ ଠକିଛନ୍ତି, ଏପରି ଗଲେ ଗୃହ ଚାଲିବ ନାହିଁ । ସମସ୍ତ ଚାଷୀଙ୍କ ଧାନ ନ କିଣିଲେ ଗୃହ ଚାଲିବ ନାହିଁ ’ । ପ୍ରକାଶ ଥାଉକି, ଗୁରୁବାର ସମସ୍ତ ବିଜେପି ବିଧାୟକ ନବୀନ ନିବାସ ଅଭିମୁଖେ ଯାଇଥିଲେ, ପଛେ ପଛେ ବିଜେଡି ବିଧାୟକ ମଧ୍ୟ ଥିଲେ । ଏହାପରେ ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ ବାସଭବନରୁ ବାହାରି ସମସ୍ତ ବିଧାୟକଙ୍କୁ ଭିତରକୁ ପାଛୋଟି ନେଇଥିଲେ ।