ଭୁବନେଶ୍ବର:ବଢିଲା ଯୁକ୍ତ ତିନି ପ୍ରଥମ ପର୍ଯ୍ୟାୟ ନାମଲେଖା ପ୍ରକ୍ରିୟା ଅବଧି । ରାଜ୍ୟରେ ଲଗାଣ ବର୍ଷା ଯୋଗୁଁ ନାମଲେଖା ସମୟ ଆହୁରି ଦୁଇ ଦିନ ବୃଦ୍ଧି ହୋଇଛି । ପୂର୍ବରୁ 13 ତାରିଖରୁ 16 ତାରିଖ ପର୍ଯ୍ୟନ୍ତ ପ୍ରଥମ ପର୍ଯ୍ୟାୟ ନାମଲେଖା ନେଇ ଘୋଷଣା ହୋଇଥିଲା । ବର୍ତ୍ତମାନ ଏହାକୁ ଘୁଞ୍ଚାଯାଇ 18 ତାରିଖ ପର୍ଯ୍ୟନ୍ତ କରାଯାଇଛି । ଉଚ୍ଚଶିକ୍ଷା ବିଭାଗ ଏ ସମ୍ପର୍କରେ ସୂଚନା ଦେଇଛି ।
ଆଜି ଯୁକ୍ତ ତିନି ଆଡମିଶନ ଶେଷ ହେବାର ଥିଲା । ଏହାକୁ ଆସନ୍ତା 18 ତାରିଖ ଯାଏଁ ବୃଦ୍ଧି କରାଯାଇଛି । ତେବେ ଦ୍ବିତୀୟ ମେଧା ତାଲିକା 21 ବଦଳରେ 23 ତାରିଖରେ ପ୍ରକାଶ ପାଇବ । କୋଭିଡ କଟକଣା ମଧ୍ୟରେ ଆଡମିଶନ କରାଯିବ । ଛାତ୍ରଛାତ୍ରୀ ମାସ୍କ, ସାନିଟାଇଜର ଏବଂ ସାମାଜିକ ଦୂରତା ରକ୍ଷା କରି ଆଡମିଶନ କରିବେ ।