ଭୁବନେଶ୍ବର: କୋଭିଡ ଯୋଗୁଁ ସ୍କୁଲ କଲେଜ ବନ୍ଦ ହୋଇଗଲା । ଯଦ୍ବାରା ପିଲାଙ୍କ ପାଠପଢା ଖୁବ୍ ବ୍ୟାହତ ହେଲା । ଏପରିକି ମହାମାରୀ ଯୋଗୁଁ ପରୀକ୍ଷା ମଧ୍ୟ ବାତିଲ କଲେ ସରକାର । ଫଳରେ ବିନା ପରୀକ୍ଷାରେ ମାଟ୍ରିକ ଭଳି ଯୁକ୍ତ ଦୁଇ ପରୀକ୍ଷା ଫଳ ମଧ୍ୟ ପ୍ରକାଶ ପାଇବାକୁ ଯାଉଛି । ମାଟ୍ରିକ ରେଜଲ୍ଟ ଆଧାରରେ ଯୁକ୍ତ ଦୁଇ ପିଲାଙ୍କ ମୂଲ୍ୟାୟନ ହୋଇଛି । ଏନେଇ ଛାତ୍ରଛାତ୍ରୀ ଭଲ ରେଜଲ୍ଟ ହେବା ନେଇ ଆଶାବାଦୀ ଥିବାବେଳେ ବିନା ପରୀକ୍ଷାରେ ରେଜଲ୍ଟ ବାହାରୁଥିବାରୁ ସେମାନଙ୍କ ମଧ୍ୟରେ କିଛିମାତ୍ରାରେ ଦ୍ବନ୍ଦ୍ବ ଓ ଭୟ ମଧ୍ୟ ସୃଷ୍ଟି ହେଉଛି । ପୂର୍ବରୁ ମଧ୍ୟ ବିକଳ୍ପ ବ୍ୟବସ୍ଥାରେ ମୂଲ୍ୟାୟନ ନେଇ ମାଟ୍ରିକ ଛାତ୍ରଛାତ୍ରୀ ଅସନ୍ତୁଷ୍ଟ ଥିବାବେଳେ ଯେପରି ସେମାନଙ୍କ ଭଳି ସ୍ଥିତି ସୃଷ୍ଟି ନ ହେଉ ସେନେଇ ଚିନ୍ତାରେ ଯୁକ୍ତ ଦୁଇ ଶିକ୍ଷାର୍ଥୀ ।
ଦିନକ ପରେ ବାହାରିବ ଯୁକ୍ତ ଦୁଇ ରେଜଲ୍ଟ, ଦ୍ବନ୍ଦରେ ଛାତ୍ରଛାତ୍ରୀ