+2 ମୂଲ୍ୟାୟନ: ହ୍ବାଟ୍ସଆପରେ ସବମିଟ୍ ହେବ ପ୍ରାକ୍ଟିକାଲ ପେପର

ପ୍ରାକ୍ଟିକାଲ ପେପରରେ ମାର୍କ ପାଇଁ ନୂଆ ଉପାୟ ଅବଲମ୍ବନ କଲେ ମୂଲ୍ୟାୟନ ବିଶେଷଜ୍ଞ । ଏହି ବିଷୟ ଗୁଡିକର ହ୍ଵାଟ୍ସଆପ ଅଡ଼ିଓ ଓ ଭିଡିଓ କ୍ଲିପ ପସ୍ତୁତ କରି ଦାଖଲ କରିବାକୁ ନିର୍ଦ୍ଦେଶ । ଅଧିକ ପଢନ୍ତୁ...

ଭୁବନେଶ୍ବର: ଆଜି(ଗୁରୁବାର) ଠାରୁ ଆରମ୍ଭ ହେବ +2 ମୂଲ୍ୟାୟନ ପ୍ରକ୍ରିୟା । ପ୍ରାକ୍ଟିକାଲ ପେପରରେ ମାର୍କ ପାଇଁ ନୂଆ ଉପାୟ ଅବଲମ୍ବନ କଲେ ମୂଲ୍ୟାୟନ ବିଶେଷଜ୍ଞ । ପ୍ରାକ୍ଟିକାଲ ବିଷୟଗୁଡିକର ହ୍ଵାଟ୍ସଆପ ଅଡ଼ିଓ ଓ ଭିଡିଓ କ୍ଲିପ ପସ୍ତୁତ କରି ଦାଖଲ କରିବେ ଛାତ୍ରଛାତ୍ରୀ । ସେହି ବିଷୟଗୁଡିକର ପରୀକ୍ଷାର୍ଥୀଙ୍କୁ ନିର୍ଦ୍ଦେଶ ଅନୁଯାୟୀ ପ୍ରତ୍ୟେକ 3-5 ମିନିଟ୍ ସମୟର ଅଡିଓ ଓ ଭିଡିଓ କ୍ଲିପ୍ ପ୍ରସ୍ତୁତ କରିବେ ।

+2 ପ୍ରାକ୍ଟିକାଲ ବିଷୟରେ ହ୍ବାଟ୍ସଆପ ଭିଡିଓ ପଠାଇବେ ଛାତ୍ରଛାତ୍ରୀ

ଏଥର ଯୁକ୍ତ ଦୁଇ ଶେଷ ବର୍ଷ ପ୍ରୋଜେକ୍ଟ ପେପର ସବମିଟ ହେବ ହ୍ଵାଟ୍ସଆପରେ । ଇଣ୍ଡିଆନ ମ୍ୟୁଜିକ, ଡ୍ୟାନ୍ସ, ଡ୍ରାମା, ମ୍ୟୁଜିକ ଓ ଗୀତ ବିଭାଗର ଛାତ୍ରଛାତ୍ରୀ ନିଜ ନିଜର ଅଡିଓ ଓ ଭିଡ଼ିଓ କ୍ଲିପ କରି ବିଭାଗର ଅଧ୍ୟାପକଙ୍କୁ ପଠାଇବେ । ଅଡିଓ ଓ ଭିଡ଼ିଓ କ୍ଲିପର ଅବଧି 3 ରୁ 5 ମିନିଟ ମଧ୍ୟରେ ରହିବ । ଏହାରି ଆଧାରରେ ସେମାନଙ୍କୁ ପ୍ରାକ୍ଟିକାଲ ବା ପ୍ରୋଜେକ୍ଟ ମାର୍କ ଦିଆଯିବ ।

ଏସବୁ ବିଷୟରେ ପ୍ରୋଜେକ୍ଟ ପେପର ବ୍ୟବସ୍ଥା ନଥିବାରୁ ଏଭଳି ପଦ୍ଧତି ଅପଣାଇବାକୁ ଉଚ୍ଚ ମାଧ୍ୟମିକ ଶିକ୍ଷା ପରିଷଦ ବିଜ୍ଞପ୍ତି ପ୍ରକାଶ କରିଛି । ଏନେଇ ସମସ୍ତ କଲେଜକୁ ନିର୍ଦ୍ଦେଶ ଦେଇଛି ମାଧ୍ୟମିକ ଶିକ୍ଷା ପରିଷଦ ।

ଭୁବନେଶ୍ବରରୁ ବିକାଶ କୁମାର ଦାସ, ଇଟିଭି ଭାରତ