ଭୁବନେଶ୍ବର:ପିପିଲି ଉପନିର୍ବାଚନରେ ବିପୁଳ ବିଜୟ ହାସଲ କରିବା ପରେ ବିଜେଡି କ୍ୟାମ୍ପରେ ଉତ୍ସବର ମାହୋଲ ରହିଛି । ସେପଟେ ବିଜୟୀ ହେବାପରେ ପ୍ରତିକ୍ରିୟା ଦେଇଛନ୍ତି ପିପିଲି ବିଧାୟକ ରୁଦ୍ର ମହାରଥୀ । କୋଭିଡ କଟକଣା ଯୋଗୁଁ କୌଣସି ପ୍ରକାର ସେଲିବ୍ରେସନ ନକରିବାକୁ ସେ ଅପିଲ୍ କରିଛନ୍ତି । ଏହାସହ ବିଜୟ ପାଇଁ ସେ ପିପିଲି ଓ ଡେଲାଙ୍ଗବାସୀଙ୍କୁ ଧନ୍ୟବାଦ ଦେଇଛନ୍ତି ।
ବିଜୟ ପରେ ରୁଦ୍ରଙ୍କ ପ୍ରତିକ୍ରିୟା, ସେଲିବ୍ରେସନ ନକରିବାକୁ ଅପିଲ୍
ରୁଦ୍ର ମହାରଥୀ ଏକ ଭିଡିଓ ଜାରି କରି କହିଛନ୍ତି ଯେ, "ପିପିଲି ଓ ଡେଲାଙ୍ଗବାସୀଙ୍କୁ ଧନ୍ୟବାଦ । ମୁଁ ପ୍ରଥମରୁ କହିଥିଲି ଏହି ନିର୍ବାଚନ ମୋର ନୁହେଁ ପିପିଲିବାସୀଙ୍କ । ମୁଖ୍ୟମନ୍ତ୍ରୀଙ୍କ ନବୀନ ପଟ୍ଟନାୟକ ଓ ଦିବଙ୍ଗତ ନେତା ପ୍ରଦୀପ ମହାରଥୀଙ୍କ ଯୋଗୁଁ ଏସବୁ ସମ୍ଭବ ହୋଇ ପାରିଛି । ମୁଁ ନିମିତ୍ତ ମାତ୍ର । ବର୍ତ୍ତମାନ କୋଭିଡ କଟକଣା ଜାରି ରହିଛି । ଏଥିପାଇଁ କୌଣସି କର୍ମୀ ଦୟାକରି ସେଲିବ୍ରେସନ କରନ୍ତୁ ନାହିଁ ।"