ଭୁବନେଶ୍ବର: ପ୍ରକୃତି ସାଧାରଣ ମନୁଷ୍ୟକୁ ସର୍ବଦା ଆକୃଷ୍ଟ କରିଥାଏ । ଟିକିଏ ନିରୋଳା ସମୟ ପାଇଲେ ସେହି ପ୍ରକୃତରେ କୋଳରେ ମଣିଷ ହଜିଯାଇଥାଏ । ଆଉ ନିଜର ଦୈନନ୍ଦିନ ଜୀବନରେ ଥିବା ସମସ୍ୟା ଓ ଜଞ୍ଜାଳ ଭିତରୁ ବାହାରି ଟିକିଏ ହାଲକା ହେବାକୁ ଭଲ ପାଏ । ତେବେ ଏପରି ସୌଭାଗ୍ୟ ଲୋକମାନଙ୍କୁ କମ ମିଳୁଥିବା ବେଳେ ସେମାନଙ୍କ ନିକଟରେ ଏପରି ସୁଯୋଗ ଆଣି ଦେଇଛି ଉତ୍କଳ ଫଟୋଗ୍ରାଫି କ୍ଲବ୍ ।
ଭୁବନେଶ୍ବର ସ୍ଥାନୀୟ ଲଳିତକଳା ଏକାଡେମୀ ପରିସରରେ ଏହି କ୍ଲବ ପକ୍ଷରୁ ଆୟୋଜିତ ହୋଇଛି ବାର୍ଷିକ ଫଟୋଚିତ୍ର ପ୍ରଦର୍ଶନୀ 'ଚିତ୍ରବର୍ଣ୍ଣାଳି' । ଯେଉଁଠି ମୁଖ୍ୟତଃ ବନ୍ୟପ୍ରାଣୀ ଓ ପ୍ରକୃତିର ଅପୂର୍ବ ବର୍ଣ୍ଣିଳ ଛବି ଶୋଭାପାଉଛି । କ୍ଲବର ସଦସ୍ୟମାନେ ବିଭିନ୍ନ ସ୍ଥାନ ଭ୍ରମଣ କରିବା ସହିତ ପ୍ରକୃତିର ଏହି ସୁନ୍ଦର ଦୃଶ୍ୟକୁ ନିଜର କ୍ୟାମେରା ମଧ୍ୟରେ ତୋଳି ଧରିଥିଲେ । ଓଡ଼ିଶାରେ ବିଭିନ୍ନ ସ୍ଥାନ ସହ ବନ୍ୟା ପ୍ରାଣୀ ସହ ଲୋକମାନଙ୍କୁ ପରିଚିତ କରାଇବା ଏବଂ ନୂଆ ପିଢ଼ିର ଫଟୋଗ୍ରାଫରଙ୍କ ଭିତରେ ଥିବା ଦକ୍ଷତାକୁ ଲୋକଙ୍କ ନିକଟରେ ପହଞ୍ଚାଇବା ଏହି ଚିତ୍ର ପ୍ରଦର୍ଶନୀର ମୁଖ୍ୟ ଉଦ୍ଦେଶ୍ୟ ।