ଭୁବନେଶ୍ବର:ରାଜ୍ୟରେ ମାରାତ୍ମକ ହେଉଛି ଜଳାନ୍ତକ ରୋଗ । ଦିନକୁ ଦିନ ବୃଦ୍ଧି ପାଉଛି ମୃତ୍ୟୁ ସଂଖ୍ୟା । ଏଥିରେ ବ୍ରେକ୍ ଦେବାକୁ ଆରମ୍ଭ ହୋଇଛି ମାସ ଭ୍ୟାକ୍ସିନେସନ୍ କାର୍ଯ୍ୟକ୍ରମ । ଆଉ ଏନେଇ ୨୦୩୦ ସୁଦ୍ଧା ଜଳାନ୍ତକମୁକ୍ତ ହେବ ଓଡ଼ିଶା । ସବୁ କୁକୁରଙ୍କ ହେବ ଟୀକାକରଣ । ଏଥିପାଇଁ ଶତ ପ୍ରତିଶତ ଭାବେ ସଫଳ ହେଉଛି ଭ୍ୟାକ୍ସିନ୍ ।
ପୋଷା ଓ ବୁଲା କୁକୁରଙ୍କୁ ହେବ ଭ୍ୟାକ୍ସିନେସନ, ୨୦୩୦ ସୁଦ୍ଧା ଜଳାନ୍ତକ ମୁକ୍ତ ହେବ ଓଡ଼ିଶା
ତେବେ କୁକୁର କାମୁଡାରେ ରାଜ୍ୟରେ ଜଳାନ୍ତକ ରୋଗୀ ବୃଦ୍ଧି ପାଉଥିବା ବେଳେ ଏବେ ଟିକାକରଣକୁ ବ୍ୟାପକ କରାଯାଉଛି । ବିଶେଷ କରି ପୋଷା କୁକୁର କାମୁଡାରେ ୫୦ ପ୍ରତିଶତ ଲୋକଙ୍କର ମୃତ୍ୟୁ ହେଉଥିବା ବେଳେ ୫୦ ପ୍ରତିଶତ ବୁଲା କୁକୁର କାମୁଡାରେ ମୃତ୍ୟୁ ହେଉଛି । ସେପଟେ କୁକୁର ଠାରୁ ମଣିଷକୁ ଜଳାନ୍ତକ ରୋଗ ବ୍ୟାପୁଥିବାରୁ ଟିକାକରଣ ଉପରେ ଅଧିକ ଗୁରୁତ୍ବ ଦିଆଯାଉଛି । ଏବଂ ଟିକାକରଣ ପରେ କୁକୁର କାମୁଡିଲେ ବି ରୋଗ ହେବ ନାହିଁ ବୋଲି ଡାକ୍ତରମାନେ କହିଛନ୍ତି । ଏହି ରୋଗରେ ଶତପ୍ରତିଶତ ମୃତ୍ୟୁ ହେଉଥିବାରୁ ଟିକାକରଣ ମୁଖ୍ୟ ଅସ୍ତ୍ର ବୋଲି କୁହାଯାଇଛି ।