କୋଟିଆରେ ଆନ୍ଧ୍ରର ପଞ୍ଚାୟତ ନିର୍ବାଚନ, ଉଦବେଗ ପ୍ରକାଶ କଲେ PCC ସଭାପତି

କୋଟିଆରେ ଆନ୍ଧ୍ରର ପଞ୍ଚାୟତ ନିର୍ବାଚନ ନେଇ ଉଦବେଗ ପ୍ରକାଶ କରିଛନ୍ତି ପିସିସି ସଭାପତି ନିରଞ୍ଜନ ପଟ୍ଟନାୟକ । ଏହି ଅବସରରେ ସେ କହିଛନ୍ତି ଯ, ଆଜି ହେଉଛି ଓଡିଶା ପାଇଁ ଏକ ଦୁଃଖଦ ଦିନ । ରାଜ୍ୟ ସରକାର ସୀମା ସୁରକ୍ଷା କରିବାରେ ସମ୍ପୂର୍ଣ୍ଣ ବିଫଳ ହୋଇଛନ୍ତି । ଅଧିକ ପଢନ୍ତୁ...

ଭୁବନେଶ୍ବର:କୋଟିଆରେ ଆନ୍ଧ୍ରର ପଞ୍ଚାୟତ ନିର୍ବାଚନ ନେଇ ଉଦବେଗ ପ୍ରକାଶ କରିଛନ୍ତି ପିସିସି ସଭାପତି ନିରଞ୍ଜନ ପଟ୍ଟନାୟକ । ଏହି ଅବସରରେ ସେ କହିଛନ୍ତି ଯ, ଆଜି ହେଉଛି ଓଡିଶା ପାଇଁ ଏକ ଦୁଃଖଦ ଦିନ । ରାଜ୍ୟ ସରକାର ସୀମା ସୁରକ୍ଷା କରିବାରେ ସମ୍ପୂର୍ଣ୍ଣ ବିଫଳ ହୋଇଛନ୍ତି ।

କୋଟିଆରେ ଆଜି ଆନ୍ଧ୍ର ପଞ୍ଚାୟତ ନିର୍ବାଚନ କରିବା ଓଡିଶା ସରକାରଙ୍କ ଖାମଖିଆଲି ନୀତିକୁ ଦର୍ଶାଉଛି ବୋଲି ପିସିସି ସଭାପତି କହିଛନ୍ତି । ସେ ସରକାଙ୍କୁ ପ୍ରଶ୍ନ କରି କହିଛନ୍ତି ଯେ, ଆନ୍ଧ୍ର 2 ମାସ ହେବ ନିର୍ବାଚନ ଘୋଷଣା କରାଇଥିବା ବେଳେ ରାଜ୍ୟ ସରକାର କୋଉଠି ସୋଇଥିଲେ ? ସରକାରଙ୍କ ପାଖରେ କୌଣସି ଖବର ନାହିଁ, ଏତେ ବିଳମ୍ବରେ ସୁପ୍ରିମକୋର୍ଟ ଗଲେ କ’ଣ ହେବ ?

ସେହିପରି ମହାନଦୀ ପ୍ରସଙ୍ଗରେ ମଧ୍ୟ ନିରଞ୍ଜନ ପଟ୍ଟନାୟକ ସରକାରଙ୍କୁ ଟାର୍ଗେଟ କରଛନ୍ତି । ସେ କହିଛନ୍ତି ମହାନଦୀ ପ୍ରସଙ୍ଗରେ ମଧ୍ୟ ସମାନ କଥା ଦେଖିବାକୁ ମିଳୁଛି । ଅର୍ଥାତ, ଓଡିଶାର ମାଟି, ଜଳ, ଜଙ୍ଗଳ ପାଇଁ ରାଜ୍ୟ ସରକାରଙ୍କର ଦରଦ ନାହିଁ ବୋଲି ପିସିସି ସଭାପତି ନିରଞ୍ଜନ ପଟ୍ଟନାୟକ କହିଛନ୍ତି ।

ଭୁବନେଶ୍ୱରରୁ ବିକାଶ କୁମାର ଦାସ, ଇଟିଭି ଭାରତ