ଭୁବନେଶ୍ବର: ଦରଦାମ ବୃଦ୍ଧି ପ୍ରତିବାଦରେ ବାମ ଦଳ ପକ୍ଷରୁ ଓଡିଶା ବନ୍ଦକୁ ସମର୍ଥନ ଦେଇଛି କଂଗ୍ରେସ । ବିଭିନ୍ନ ଅତ୍ୟାବଶ୍ୟକ ସାମଗ୍ରୀର ଅହେତୁକ ଦରବୃଦ୍ଧିକୁ ନେଇ ଗୁରୁବାର ୪ ଟି ବାମ ଦଳର ଓଡିଶା ବନ୍ଦ ଡାକରାକୁ ସମର୍ଥନ ଦେଇଛି ରାଜ୍ୟ କଂଗ୍ରେସ । ସକାଳ ୬ ଟାରୁ ଅପରାହ୍ନ ୧୨ ଟା ଯାଏଁ ୬ ଘଣ୍ଟିଆ ବନ୍ଦ ଡାକରା ସଫଳ ହୋଇଛି ବୋଲି ସୂଚନା ଦେଇଛନ୍ତି ପିସିସି ସଭାପତି ନିରଞ୍ଜନ ପଟ୍ଟନାୟକ ।
ବାମ ଦଳର ବନ୍ଦ ଡାକରାକୁ କଂଗ୍ରେସ ସମର୍ଥନ, ଆଚ୍ଛେ ଦିନ କେବେ ଆସିବ ପ୍ରଶ୍ନ କଲେ ନିରଞ୍ଜନ
ରାଜଧାନୀର ବିଭିନ୍ନ ଛକରେ କଂଗ୍ରେସ ବିକ୍ଷୋଭ ପଦର୍ଶନ କରିଛି । ବିଶେଷକରି ୧୫ ତାରିଖରେ ପେଟ୍ରୋଲ ଡିଜେଲ ନକିଣିବାକୁ ପୂର୍ବରୁ କଂଗ୍ରେସ ସାଧାରଣ ଲୋକଙ୍କୁ ନିବେଦନ କରିଥିଲା । ନରେନ୍ଦ୍ର ମୋଦି ଯେତେବେଳେ ଗୁଜରାଟର ମୁଖ୍ୟମନ୍ତ୍ରୀ ଥିଲେ ସେତେବେଳେ କେନ୍ଦ୍ର ସରକାରଙ୍କୁ ଆକ୍ଷେପ କରୁଥିଲେ ,ତୈଳ ଦର ବୃଦ୍ଧିକୁ ନେଇ ତତ୍କାଳୀନ ମନମୋହନ ସିଂ ସରକାରକୁ ଦେଶଦ୍ରୋହୀ ବୋଲି କହୁଥିଲେ । ଏବେ ବିଜେପି ଶାସିତ କେନ୍ଦ୍ର ସରକାର, କାହା ପାଇଁ ଏବେ ତୈଳ ଦର ବୃଦ୍ଧି ହୋଇଛି ଓ କିଏ ଦେଶ ଦ୍ରୋହୀ ବୋଲି ସ୍ପଷ୍ଟ କରନ୍ତୁ ବୋଲି କହିଛି କଂଗ୍ରେସ ।