ଭୁବନେଶ୍ବର: କଂଗ୍ରେସରେ ବଢୁଛି କନ୍ଦଳ । ଆଉ ଏନେଇ ମୁହଁ ଖୋଲିଛନ୍ତି ପିସିସି ସଭାପତି ନିରଞ୍ଜନ ପଟ୍ଟନାୟକ । ସେ କହିଛନ୍ତି କଂଗ୍ରେସ ଏକ ବୃହତ ଦଳ । କନ୍ଦଳ ଲାଗି ରହିବା ସ୍ବାଭାବିକ କଥା । ଏହାକୁ ନଜରରେ ରଖିଲେ କାର୍ଯ୍ୟ କରିପାରିବାନି । ତେଣୁ ଏହି ଘଟଣାରେ ଉତ୍ତେଜନା ପ୍ରକାଶ କରିବାର ଆଵଶ୍ୟକତା ନାହିଁ ।
କଂଗ୍ରେସର ଗୋଷ୍ଠି କନ୍ଦଳକୁ ନେଇ ମୁହଁ ଖୋଲିଲେ ନିରଞ୍ଜନ
ଦଳୀୟ ସମାଧାନ ଦିଗରେ ଆମେ ସମସ୍ତେ ପ୍ରୟାସ କରି ଦଳକୁ ଆଗକୁ ନେବାର ଆବଶ୍ୟକତା ରହିଛି । ମୁଁ କାର୍ଯ୍ୟ କରୁଛି ଆଗକୁ କରିବି ମଧ୍ୟ । ଯଦି ଦଳରେ କିଛି ଅସନ୍ତୋଷ ରହିଛି ତାହା ଆଭ୍ୟନ୍ତରୀଣ ବ୍ୟାପାର । ନିଜକୁ ସମୀକ୍ଷା କରି ଦଳ କାର୍ଯ୍ୟକ୍ରମ ଓ ବିକାଶ ଦିଗରେ ଅଗ୍ରସର ହେବା ଦରକାର । ତେବେ ଦଳ ଶାସନରେ ନଥିବାରୁ ବୋଧ ହୁଏ କିଛି ଅସନ୍ତୋଷ ବ୍ୟକ୍ତ କରି ନିଜର ଶୃଙ୍ଖଳା ଭୁଲିଯାଉଛନ୍ତି । କିଛିଦିନ ହେବ କଂଗ୍ରେସର ବରିଷ୍ଠ ନେତା ଭକ୍ତ ଦାସ ଓ ପିସିସି ଉପସଭାପତି ପ୍ରଦୀପ ମାଝୀ ରାହୁଲ ଗାନ୍ଧୀଙ୍କୁ ଭେଟି ନିରଞ୍ଜନଙ୍କ ବିରୋଧରେ ଫେରାଦ ହୋଇଥିବା ଚର୍ଚା ହେଉଛି ।