ଭୁବନେଶ୍ବର: କଂଗ୍ରେସ ଉପରେ ଦଳୀୟ କର୍ମୀ ଅସନ୍ତୁଷ୍ଟ । ଏହାକୁ ମାନିଛନ୍ତି ଓଡିଶା ପ୍ରଦେଶ କଂଗ୍ରେସର କାର୍ଯ୍ୟକାରୀ ସଭାପତି ଚିରଞ୍ଜୀବ ବିଶ୍ବାଳ । ଦଳର ନିର୍ଦ୍ଦିଷ୍ଟ ଫୋରମ ଅଛି ସେଠାରେ ଆଲୋଚନା କଲେ ସମାଧାନ ହୋଇପାରିବ ବୋଲି କହିଛନ୍ତି ।
କଂଗ୍ରେସ ଉପରେ ଦଳୀୟ କର୍ମୀ ଅସନ୍ତୁଷ୍ଟ ମାନିଲେ ଚିରଞ୍ଜୀବ ବିଶ୍ବାଳ
ରାଜ୍ୟ କଂଗ୍ରେସ ଉପରେ ଦଳୀୟ କର୍ମୀ ଅସନ୍ତୁଷ୍ଟକୁ ନେଇ ସାମ୍ବାଦିକ ସମ୍ମିଳନୀରେ କହିଛନ୍ତି ଯେ ପିପିଲି ଉପ ନିର୍ବାଚନରେ ଦଳର ଵିପର୍ଯ୍ୟୟ ଘଟିଛି । ଆମେ ଚାରି ହଜାର ଭୋଟ ପାଇଛୁ । କଂଗ୍ରେସର ପରାଜୟ ପରେ କିଛି କର୍ମୀଙ୍କ ମନରେ କ୍ରୋଧ ଆସିଛି ଏବଂ ଏହାର ପ୍ରତିଫଳନ ହୋଇଛି କଂଗ୍ରେସ ଭବନ ସମ୍ମୁଖରେ । କଂଗ୍ରେସ ଗୋଟେ ଘଡିସନ୍ଧି ମୁହୂର୍ତ୍ତ ଦେଇ ଗତି କରୁଛି । ଆଉ ଚାରି ହଜାର ଭୋଟ ଚାରି ଲକ୍ଷ ଭୋଟ ହେବା ପାଇଁ ବେଶୀ ସମୟ ଲାଗିବ ନାହିଁ । ଉତ୍ସାହ ହରାଇବାର ଅବକାଶ ନାହିଁ । କଂଗ୍ରେସ ଦଳ ତା କର୍ତ୍ତବ୍ୟ କରିଚାଲିଛି । ବାର୍ତ୍ତା ଠିକ ଯାଉନାହିଁ, ଦଳ ଭିତରେ ବିଭିନ୍ନ କ୍ଷେତ୍ରରେ ଲଢେଇ ଚାଲିଛି ।