ଭୁବନେଶ୍ବର : ପାଟକୁରା ନିର୍ବାଚନ ଯେତିକି ପାଖେଇ ଆସୁଛି ସେତେକି ବଢୁଛି ରାଜନୈତିକ ଉଷ୍ମତା । ଧିରେ ଧିରେ ଗରମ ହେବାରେ ଲାଗିଛି ପଲିଟିକ୍ସ ପାଣିପାଗ । ତେବେ ଏହି ଗରମ ହାୱା ଭିତରେ ରୁଟି ସେଖିବାକୁ ଯୋଜନା କରିଛି କଂଗ୍ରେସ । କଂଗ୍ରେସ ବିଧାୟକ ତାରା ବାହିନୀପତି ପାଟକୁରାରେ ଉଭୟ ବିଜେଡି ଓ ବିଜେପି ଭିତରେ ମ୍ୟାଚ୍ ଫିକ୍ସିଂ ହୋଇଥିବା କହିଛନ୍ତି । ସେପଟେ ଏହାର ଜବାବ ଦେଇଛନ୍ତି ଉଭୟ ବିଜେଡି ଓ ବିଜେପି ।
ଭିଡିଓ ସୌଜନ୍ୟ: ସମ୍ବାଦଦାତା, ଭୁବନେଶ୍ବର
ପାଟକୁରା ନିର୍ବାଚନ ପୂର୍ବରୁ କଂଗ୍ରେସ ବିଧାୟକ ତାରା ବାହିନୀପତି ମାରିଲେ ତୀର । ତାରାଙ୍କ ତୀର ଲକ୍ଷରେ ଉଭୟ ବିଜେପି ଓ ବିଜେଡି । ଉଭୟ ଦଳକୁ ଟାର୍ଗେଟ କରି ତାରା କହିଛନ୍ତି, ପାଟକୁରାରେ ବିଜେପି ଓ ବିଜେଡି ଫ୍ରେଣ୍ଡସିପ୍ ମ୍ୟାଚ ଖେଳୁଛନ୍ତି । ତାଙ୍କର ଯିଏ ଜିତିଲେ ଚଳିବ । ଉଭୟ ଦଳ ଭିତରେ ମ୍ୟାଚ୍ ଫିକ୍ସିଂ ହୋଇଛି ।