ପାର୍କିଂ ପାଇଁ ଦେବାକୁ ପଡିବନି ଦେୟ, ବିଡିଏର ନୋଟିସ ଜାରି

ଭୁବନେଶ୍ବରର ବିଭିନ୍ନ ସପିଂ ମଲ, ମଲ୍ଟିପ୍ଲେକ୍ସ, କମରସିଆଲ ବିଲ୍ଡିଂ, ହସ୍ପିଟାଲ ଆଦି ସ୍ଥାନ ଏବେ ପାର୍କିଂ ଦେୟମୁକ୍ତ । ଏନେଇ ବିଡିଏ ପକ୍ଷରୁ ନୋଟିସ ଜାରି କରି ସୂଚନା ଦିଆଯାଇଛି ।

ଭୁବନେଶ୍ବର: ସ୍ମାର୍ଟ ସିଟିରେ ପାର୍କିଂ ନିୟମକୁ ନେଇ ବିଡିଏ ପକ୍ଷରୁ ନୋଟିସ ଜାରି । ରାସ୍ତାରେ ପାର୍କିଂ କଲେ ଏବେ ଦେୟ ଦେବାକୁ ପଡିବ ନାହିଁ ବୋଲି ଜାରି ହୋଇଥିବା ନୋଟିସ ଯୋଗେ ସୂଚନା ଦିଆଯାଇଛି ।

ଭୁବନେଶ୍ବରର ସପିଂ ମଲ୍‌, ମଲ୍ଟିପ୍ଲେକ୍ସ, କମରସିଆଲ ବିଲ୍ଡିଂ, ହସ୍ପିଟାଲ ଆଦି ସ୍ଥାନକୁ ବିଡିଏ ପକ୍ଷରୁ ପାର୍କିଂ ଫି ଫ୍ରି କରି ଦିଆଯାଇଛି । ବିଡିଏ ନିୟମାନୁଯାଇ ଏହି ସବୁ ସ୍ଥାନ ଗୁଡିକୁ ପାର୍କିଂ ଦେୟ ମୁକ୍ତ କରାଯାଇଛି । ଏହି ନିୟମ ଉଲଙ୍ଘନ କଲେ ଉଲଙ୍ଘନକାରୀଙ୍କ ବିରୁଦ୍ଧରେ କଡା କାର୍ଯ୍ୟାନୁଷ୍ଠାନ ଗ୍ରହଣ କରାଯିବା ନେଇ ବିଡିଏ ପକ୍ଷରୁ ଜାରି ନୋଟିସରେ ଉଲ୍ଲେଖ ରହିଛି ।

ଭୁବନେଶ୍ବରରୁ ସଞ୍ଜୀବ ରାୟ, ଇଟିଭି ଭାରତ