ଭୁବନେଶ୍ବର: ସର୍ବଦଳୀୟ ବୈଠକ ପରେ ବିଦ୍ୟାଳୟ ଓ ଗଣଶିକ୍ଷା ବିଭାଗ 15 ଓ 20ରୁ କମ୍ ଛାତ୍ରଛାତ୍ରୀ ଥିବା 7772ରୁ ଊର୍ଦ୍ଧ୍ବ ଚାଲୁଥିବା ସରକାରୀ ବିଦ୍ୟାଳୟକୁ ବନ୍ଦ କରିବାକୁ ଘୋଷଣା କରିଛନ୍ତି । ଅଭିଭାବକ ସଂଘ ଏହାକୁ ବିରୋଧ କରିବା ସହିତ ସେମାନଙ୍କ ଦାବିକୁ ସରକାର ନ ମାନିଲେ ଆଗାମୀ ଦିନରେ ସାରା ରାଜ୍ୟରେ ଆନ୍ଦୋଳନ ହେବ ବୋଲି ଚେତାବନୀ ଦେଇଛନ୍ତି ।
ବିଦ୍ୟାଳୟ ବନ୍ଦ ନିଷ୍ପତ୍ତି ନ ବଦଳାଗଲେ 'ଶିକ୍ଷା ବଞ୍ଚାଓ ଅଭିଯାନ' କରିବ ଅଭିଭାବକ ମହାସଂଘ
ଅଭିଭାବକ ମହାସଂଘ ରାଜ୍ୟରେ କମ ଛାତ୍ରଛାତ୍ରୀ ଥିବା ବିଦ୍ୟାଳୟ ବନ୍ଦ ନିଷ୍ପତ୍ତିକୁ ସ୍ଥଗିତ ରଖିବା ପାଇଁ ସରକାରଙ୍କ ନିକଟରେ ଦାବି କରିଛନ୍ତି । ଜିଲ୍ଲା ସ୍ତରୀୟ ବିଦ୍ୟାଳୟ ମିଶ୍ରଣ କମିଟିକୁ ପୁନଃ ଗଠନ କରାଯାଇ ସାଂସଦ, ବିଧାୟକ, ପଞ୍ଚାୟତ ରାଜ ନିର୍ବାଚିତ ଜଣେ ପ୍ରତିନିଧି ଓ ଶିକ୍ଷାବିତଙ୍କ ସହିତ ଆଲୋଚନା କରିବା ପାଇଁ ଅଭିଭାବକ ମହାସଂଘ କହିଛି ।