ଭୁବନେଶ୍ୱର: ମଡର୍ଣ୍ଣ ଆର୍ଟ ଗ୍ୟାଲେରୀ ପରିସରରେ ଜାତୀୟ ସ୍ତରୀୟ ଚିତ୍ରକଳା ପ୍ରଦର୍ଶନୀ ‘ସ୍ପେସ୍ ଆଣ୍ଡ ସ୍ପେସ୍ ଏକ୍ସଷ୍ଟ୍ରା’ ଉଦଘାଟିତ ହୋଇଛି । ଏହାକୁ ଓଡିଶା ସିନେମା ଜଗତର ବରିଷ୍ଠ ଅଭିନେତା ମିହିର ଦାସ ମୁଖ୍ୟ ଅତିଥି ଭାବେ ଯୋଗଦେଇ ଉଦଘାଟନ କରିଛନ୍ତି ।
ଜାତୀୟ ସ୍ତରୀୟ ଚିତ୍ରକଳା ପ୍ରଦର୍ଶନୀ ଉଦଘାଟିତ ନୋଏଡା ସ୍ଥିତ ରିଭିସା ଆର୍ଟ ଫାଉଣ୍ଡେସନ ଓ ନୂଆଦିଲ୍ଲୀର ଏକ ପ୍ରକାଶନ ସଂସ୍ଥାର ମିଳିତ ଆନୁକୂଲ୍ୟରେ 6 ଜଣ ଶିଳ୍ପୀଙ୍କ କଳାକୃତି ଏଠାରେ ପ୍ରଦର୍ଶିତ କରାଯାଇଛି । ଏଥିରେ 2ଜଣ ବରିଷ୍ଠ ଶିଳ୍ପୀଙ୍କ ସମେତ 3ଜଣ ଶିକ୍ଷୟତ୍ରୀ ସାମିଲ ଥିବା କହିଛନ୍ତି ପ୍ରଦର୍ଶନୀର ସଂଗ୍ରାହକ ବିଜୟ ଶଙ୍କର । ଏହି ପ୍ରଦର୍ଶନୀ ଆସନ୍ତା ଡିସେମ୍ବର 26 ତାରିଖ ପର୍ଯ୍ୟନ୍ତ ଚାଲିବାକୁ ଥିବାବେଳେ ଏଠାକାର କଳାପ୍ରେମୀ ଏହାକୁ ଦେଖିବା ସହ ନିଜର ମତାମତ ଦେବାକୁ ବିଜୟ ଶଙ୍କର ଅନୁରୋଧ କରିଛନ୍ତି ।
ଏହି ଅବସରରେ ସ୍କୁଲ ପିଲାଙ୍କ ମଧ୍ୟରେ ଏକ ପ୍ରବନ୍ଧଲିଖନ କାର୍ଯ୍ୟକ୍ରମ ଆୟୋଜନ ହୋଇଥିବା ସେ ପ୍ରକାଶ କରିଛନ୍ତି । ଏହି ପ୍ରଦର୍ଶନୀରେ ଶ୍ରୀରାମ ଗୋହରୀ, ମଧୁମିତା ବର୍ମା, ରବୀନ୍ଦ୍ର ବର୍ମା, ମିନୁ ବର୍ମା, ପ୍ରମୋଦ ବରୁଆ ଓ ନେହା ବର୍ମା ପ୍ରମୁଖଙ୍କ ଚିତ୍ରଶିଳ୍ପୀ ପ୍ରଦର୍ଶିତ କରାଯାଉଛି ।
ଭୁବନେଶ୍ୱରରୁ ଲକ୍ଷ୍ମୀକାନ୍ତ ଦାସ, ଇଟିଭି ଭାରତ
