ଭୁବନେଶ୍ବର: ଆଜି ହେଉଛି ରସଗୋଲା ଦିବସ । ମହାପ୍ରଭୁ ଜଗନ୍ନାଥଙ୍କ ନିଳାଦ୍ରି ବିଜେ ତିଥିରେ ପାଳିତ ହୋଇ ଆସୁଛି ଏହି ରସଗୋଲା ଦିବସ । ନିଳାଦ୍ରି ବିଜେ ସମୟରେ ମହାପ୍ରଭୁ ଜଗନ୍ନାଥଙ୍କ ବାଟ ଓଗାଳନ୍ତି ଅଭିମାନିନୀ ମହାଲକ୍ଷ୍ମୀ । ଏହି ସମୟରେ ଜଗନ୍ନାଥ ରସଗୋଲା ଦେଇ ମହାଲକ୍ଷ୍ମୀଙ୍କ ମାନଭଞ୍ଜନ କରିଥିବାର ପରମ୍ପରା ରହିଛି । ଏହି ଅବସରରେ ସ୍ୱତନ୍ତ୍ର ଭାବରେ ରସଗୋଲା ଦିବସ ପାଳନ କରୁଛନ୍ତି ପାହାଳବାସୀ ।
ଭିଡିଓ ସୌଜନ୍ୟ: ସମ୍ବାଦଦାତା, ଭୁବନେଶ୍ବର
ପାହାଳରେ ଥିବା ପ୍ରତ୍ୟେକ ମିଠା ଦୋକାନ ଫୁଲ ଓ ବେଲୁନରେ ସଜେଇ ହୋଇଛି । ସମସ୍ତ ଯାତ୍ରୀ ମାନଙ୍କୁ ମାଗଣାରେ ଦିଆଯାଉଛି ରସଗୋଲା । ଏଥିସହିତ ଅନାଥାଶ୍ରମ ଓ ଛୋଟ ଛୋଟ ପିଲାଙ୍କୁ ସ୍କୁଲରେ ମିଠା ବଣ୍ଟାଯାଇଛି । ଆଉ ରସଗୋଲ କଥା ମନେପଡିଲେ ମନେପଡେ ପାହାଳ ରସଗୋଲା କଥା । କିନ୍ତୁ ଆଜି ଏଠାରେ ନିଆରା ଭାବରେ ପାଳନ କରାଯାଉଛି ରସଗୋଲା ଦିବସକୁ ଭୁବନେଶ୍ବରରୁ କଟକ ଏବଂ କଟକରୁ ଭୁବନେଶ୍ବର ଦେଇ ଯାତାୟତ କରୁଥିବା ପ୍ରତ୍ୟେକ ଯାତ୍ରୀଙ୍କୁ ଆକୃଷ୍ଟ କରିଛି ।