OSCPCRଙ୍କ ନୋଟିସ, ‘7 ଦିନ ଭିତରେ ଦିଅ ରିପୋର୍ଟ’

କଳାହାଣ୍ଡି ମହାଲିଙ୍ଗର 2ଟି ଶିକ୍ଷାନୁଷ୍ଠାନ ବିରୋଧରେ ଆସିଥିବା ଅଭିଯୋଗ ଆଧାରରେ ଜିଲ୍ଲା ଏସପିଙ୍କୁ ନୋଟିସ ଜାରି କରିଛି OSCPCR । ଅଧିକ ପଢ଼ନ୍ତୁ...

ଭୁବନେଶ୍ବର:କଳାହାଣ୍ଡି ମହାଲିଙ୍ଗର 2ଟି ଶିକ୍ଷାନୁଷ୍ଠାନ ବିରୋଧରେ ଆସିଥିବା ଅଭିଯୋଗ ଆଧାରରେ ଜିଲ୍ଲା ଏସପିଙ୍କୁ ନୋଟିସ ଜାରି କରିଛି OSCPCR (Odisha State Commission for Protection of Child Rights ) । ନିଜ ଆଡୁ ମାମଲା ରୁଜୁ କରି ନୋଟିସ କଲା OSCPCR । 7 ଦିନ ଭିତରେ ରିପୋର୍ଟ ଦେବାକୁ ନିର୍ଦ୍ଦେଶ ଦେଇଛି OSCPCR ।

କଳାହାଣ୍ଡି ଏସପିଙ୍କୁ OSCPCRଙ୍କ ନୋଟିସ

ସନ୍‌ସାଇନ୍ ସ୍କୁଲ ଓ କଲେଜ ହଷ୍ଟେଲରେ ଯୋୖନ ନିର୍ଯାତନା ହେଉଥିବା ଅଭିଯୋଗକୁ ନେଇ ଆକ୍ସନ ଟେକେନ୍ ରିପୋର୍ଟ ମଗାଯାଇଛି । ସ୍କୁଲ କଲେଜରେ ସମସ୍ତ CWC ଏବଂ NCPCRର ମଧ୍ୟ ଗାଇଡଲାଇନ ଠିକ ଭାବରେ କାର୍ଯ୍ୟକାରୀ କରାଯାଉଛି କି ନାହିଁ ତାହାର ରିପୋର୍ଟ ମଗାଯାଇଛି । ଏହାକୁ ନେଇ ଶିଶୁ ସୁରକ୍ଷା ଆୟୋଗ ଅଧକ୍ଷା ସାଧ୍ୟବତୀ ପ୍ରଧାନ ସୂଚନା ଦେଇଛନ୍ତି ।

ଶିକ୍ଷୟିତ୍ରୀ ମମିତା ମେହେରଙ୍କ ହତ୍ୟାକାଣ୍ଡ ପରେ ସନସାଇନ ସ୍କୁଲକୁ ନେଇ ଅନେକ ପ୍ରଶ୍ନ ଉଠିବାରେ ଲାଗିଛି । ଏହି କ୍ରମରେ OSCPCR ମଧ୍ୟ ମହାଲିଙ୍ଗର 2ଟି ଶିକ୍ଷାନୁଷ୍ଠାନ ବିରୋଧରେ ଆସିଥିବା ଅଭିଯୋଗ ଆଧାରରେ ଜିଲ୍ଲା ଏସପିଙ୍କୁ ନୋଟିସ ଜାରି କରିଛି ।

ଭୁବନେଶ୍ବରରୁ ବିକାଶ କୁମାର ଦାସ, ଇଟିଭି ଭାରତ