ଭୁବନେଶ୍ବର: ମହାମାରୀରେ ଜୀବନ ଜୀବିକା ଟ୍ରାକ ବାହାରକୁ ଚାଲିଯାଇଥିଲା । ବିଶେଷ କରି ବ୍ୟବସାୟ ଓ ପାଠପଢା ପ୍ରଭାବିତ ହୋଇଥିଲା । ବର୍ତ୍ତମାନ ସ୍ଥିତିରେ ସୁଧାର ଅସିବା ପରେ ପାଠପଢା ଆରମ୍ଭ ହୋଇଛି । ହେଲେ ହୋଇଥିବା ପାଠପଢା କ୍ଷତି ଭରଣା ପାଇଁ ଯେତିକି ସମୟର ପାଠପଢା ହେବା କଥା ହେଉନାହିଁ । ସେଥିପାଇଁ ସ୍କୁଲ ପାଠପଢା ସମୟ ବୃଦ୍ଧି କରିବା ସପକ୍ଷରେ ରହିଛନ୍ତି ରାଜ୍ୟ ଶିଶୁ ଅଧିକାର ସୁରକ୍ଷା ଆୟୋଗ (State Commission for Protection of Child Rights) । ଏ ନେଇ ଗଣଶିକ୍ଷା ବିଭାଗକୁ ଚିଠି ଲେଖିଛନ୍ତି ଆୟୋଗ ଅଧ୍ୟକ୍ଷା ସନ୍ଧ୍ୟାବତୀ ପ୍ରଧାନ ।
ପାଣିପାଗରେ ପରିବର୍ତ୍ତନ ଆସିଥିବାରୁ ବିଭାଗକୁ ପରାମର୍ଶ ଦେଇଛନ୍ତି ଆୟୋଗ ଅଧ୍ୟକ୍ଷା । ବର୍ତ୍ତମାନ ସ୍କୁଲର ପାଠପଢା ସମୟ ସକାଳ 6ଟା ଠାରୁ 9ଟା ରହିଛି । ଅନ୍ୟୁନ 1 ଘଣ୍ଟା ବୃଦ୍ଧି କରି 10 ଟା ପର୍ଯ୍ୟନ୍ତ ପାଠ ପଢ଼ା କରାଯାଉ ବୋଲି ପରାମର୍ଶ ଦେଇଛନ୍ତି ରାଜ୍ୟ ଶିଶୁ ଅଧିକାର ସୁରକ୍ଷା ଆୟୋଗ । ଜୁନ 4 ତାରିଖ ପର୍ଯ୍ୟନ୍ତ ପାଠପଢା ଚାଲିବ । ନିର୍ଦ୍ଧାରିତ ସମୟ ମଧ୍ୟରେ ପାଠ୍ୟକ୍ରମ ସରିବା ନେଇ ଆଶଙ୍କା ରହିଛି ।