ଭୁବନେଶ୍ବର: ଚଳିତ ବିଧାନସଭା ଶୀତ ଅଧିବେଶନରେ ସରକାରଙ୍କୁ ଘେରିବାକୁ ବ୍ଲୁ ପ୍ରିଣ୍ଟ ପ୍ରସ୍ତୁତ କରିଥିଲେ ବିରୋଧୀ ଦଳ । ସ୍ମିତାରାଣୀ ମୃତ୍ୟୁ ପ୍ରସଙ୍ଗକୁ ଅସ୍ତ୍ର କରି ବିଧାନସଭା ପରିସରରେ ବିରୋଧୀ କଳା କପଡା ବାନ୍ଧି ପ୍ରତିବାଦ କରିବା ସହ ଗାନ୍ଧୀ ମୂର୍ତ୍ତି ତଳେ ଧାରଣାରେ ବସିଥିଲେ । କିନ୍ତୁ ଧୀରେଧୀରେ ଏହି ପ୍ରସଙ୍ଗ ଘନାଉଥିବାବେଳେ ଏଯାବତ୍ ବିରୋଧୀଙ୍କୁ କୌଣସି ସଫଳତା ମିଳିନାହିଁ ।
ଭିଡିଓ ସୌଜନ୍ୟ: ସମ୍ବାଦଦାତା, ଭୁବନେଶ୍ବର
ସୋମବାର ବାଚସ୍ପତିଙ୍କୁ ଆଚରଣ କ୍ଷୁବ୍ଧ ହୋଇ ବିରୋଧ ଦଳ ନେତା ପ୍ରଦୀପ୍ତ ନାୟକ ଉଦବେଗ ପ୍ରକାଶ କରିଛନ୍ତି । ବାଚସ୍ପତିଙ୍କ ଅଣଦେଖା ତାଙ୍କୁ ଦୁଃଖ ଦେଇଛି । ସେ ପ୍ରଶ୍ନ କରିଛନ୍ତି ଯେ, ଅଧିବେଶନ ପୂର୍ବରୁ ସ୍ମିତାରାଣୀ ପ୍ରସଙ୍ଗ ଉଠାଇବା ନେଇ ଜଣାଇବା କଣ ଭୂଲ ଥିଲା । ରାଜ୍ୟ ସରକାର ଜାଣିଶୁଣି ଘଟଣାକୁ ଚାପି ଦେଇ ଏସପିଙ୍କ ଚରିତ୍ର ସଂହାର କରୁଛନ୍ତି । କେବଳ ସେତିକି ନୁହେଁ ସ୍ମିତାରାଣୀଙ୍କ କୁନି ଝିଅକୁ ମହିଳା କମିଶନ ଅଧ୍ୟକ୍ଷ କିଛି ସମବେଦନା ନ ଜଣାଇ ରୂପେଶ ଭଦ୍ରକୁ ବଞ୍ଚାଇବାକୁ ଚେଷ୍ଟା କରିଛନ୍ତି ।