ଭୁବନେଶ୍ବର: ବିଧାନସଭାରେ ଆତ୍ମହତ୍ୟା ଉଦ୍ୟମ କରିଥିବା ବିଧାୟକ ସୁବାଷ ପାଣିଗ୍ରାହୀ କ୍ଷମା ମାଗନ୍ତୁ ବୋଲି ଶାସକ ଦଳ ଅଡି ବସିଥିବାବେଳେ ବିଜେପି ଏହାର ଜବାବ ଦେଇଛି । ବିଧାୟକ ସୁବାଷ ପାଣିଗ୍ରାହୀ ନୁହଁନ୍ତି ମୁଖ୍ୟମନ୍ତ୍ରୀ କ୍ଷମା ମାଗନ୍ତୁ ବୋଲି ବିରୋଧୀ ଦଳ ନେତା ପ୍ରଦୀପ୍ତ ନାୟକ କହିଛନ୍ତି ।
ପ୍ରଦୀପ୍ତ ନାୟକ
ମୁଖ୍ୟମନ୍ତ୍ରୀ ବିଭିନ୍ନ ଆଡେ ଯାଉଛନ୍ତି । ମନ୍ତ୍ରୀମାନେ ଚାରିଆଡେ ଯାଉଛନ୍ତି । କିନ୍ତୁ ବିଧାନସଭା ଆସୁନାହାଁନ୍ତି ଦର୍ଶାଇ ମୁଖ୍ୟମନ୍ତ୍ରୀ କ୍ଷମା ମାଗନ୍ତୁ ବୋଲି ସେ କହିଛନ୍ତି । ପୁରୀ, ନୂଆପଡା, ସୁନ୍ଦରଗଡ ଯାଉଛନ୍ତି, କୋରୋନା ହେଉନି । ବିଧାନସଭା ଆସିଲେ କୋରୋନା ହେଇଯିବ । କାହା ଘରେ ବସି ବିଧାନସଭା ଚାଲେନି । ନୂଆପଡା ଯାଇ ବାଟରେ ମନ୍ତ୍ରୀ ବରା ଖାଇବେ । କୋରୋନା ହେଲାନି । ବିଧାନସଭା ଆସିଲେ କୋରୋନା ହୋଇଯିବ କି ବୋଲି ବିରୋଧୀଦଳ ନେତା କହିଛନ୍ତି ।