ଭୁବନେଶ୍ବର:ରାଜ୍ୟରେ କୋରୋନା ମହାମାରୀର ତୃତୀୟ ଲହର ସଂକ୍ରମଣକୁ ଦୃଷ୍ଟିରେ ରଖି ଭୁବନେଶ୍ବର ଏମ୍ସରେ ସାଧାରଣ ଭାବରେ ଓପିଡ଼ି ବନ୍ଦ ରହିଥିଲା । ତେବେ ସଂକ୍ରମଣ ଧୀରେ ଧୀରେ କମ ରହୁଥିବାରୁ ଆସନ୍ତା ସୋମବାର ଠାରୁ ଓପିଡ଼ି ସେବା ଆରମ୍ଭ ହେବା ନେଇ ନିଷ୍ପତ୍ତି ନିଆଯାଇଛି ।
ବିଭିନ୍ନ ସମୟରେ ହସ୍ପିଟାଲର ସମସ୍ତ OPD ଖୋଲିବାକୁ ଅଧିକ ଦାବି ହୋଇଆସୁଥିଲା । ଏଣୁ ଆସନ୍ତା 7 ତାରିଖ ଅର୍ଥାତ (ସୋମବାର) ଠାରୁ ଓପିଡିରେ ପୁଣିଥରେ ସେବା ଆରମ୍ଭ କରିବାକୁ ନିଷ୍ପତ୍ତି ନିଆଯାଇଛି । ସମସ୍ତ ବିଭାଗ ପୂର୍ବ ପରି OPD କାର୍ଯ୍ୟସୂଚୀ ଅନୁସରଣ କରିବେ । ନୂତନ ଆଡମିଶନ ହୋଇଥିବା ରୋଗୀଙ୍କ ପାଇଁ ପ୍ରତ୍ୟେକ ବିଭାଗ ପ୍ରତ୍ୟେକ ୱାର୍ଡରେ 4-5 ଶଯ୍ୟା ସଂରକ୍ଷଣ ରଖାଯିବ।