ଭୁବନେଶ୍ବର:ଅନଲାଇନ ପାଠପଢାକୁ ବିରୋଧ କଲା ଏଆଇଏସଏଫ । ଅନଲାଇନ ପାଠପଢାକୁ ବିରୋଧ କରି ପ୍ରତିବାଦ ଜଣାଇଲା ସର୍ବଭାରତୀୟ ଛାତ୍ର ସଂଗଠନ (ଏଆଇଏସଏଫ)। କୋରୋନା କଟକଣା ଯୋଗୁଁ ସରକାର ଅନଲାଇନର ପାଠ ପଢିବା ପାଇଁ ଅନୁମତି ଦେଇଛନ୍ତି ।
ଅନଲାଇନ ପାଠପଢାକୁ ବିରୋଧ କଲା AISF
ଭୁବନେଶ୍ବର ମାଷ୍ଟର କ୍ୟାଣ୍ଟିନ ଠାରେ ସର୍ବଭାରତୀୟ ଛାତ୍ର ସଂଗଠନ ପକ୍ଷରୁ ବିକ୍ଷୋଭ କରାଯାଇଥିଲା । ଛାତ୍ର ଛାତ୍ରୀମାନେ ହାତରେ ପ୍ଲାକାର୍ଡ ଧରି ପ୍ରତିବାଦ କରିଥିବା ବେଳେ ଅନ୍ୟ ବିଭାଗ ପରି କଟକଣା ସହ ଆମ ପାଇଁ ସ୍କୁଲ ଖୋଲାଯାଉ ବୋଲି ଦାବି କରିଛନ୍ତି । ଏହା ସହ ସଭିଏଁ ପଢନ୍ତୁ ସଭିଏଁ ବଢନ୍ତୁ ନାରା ସରକାର ଦେଉଥିବା ବେଳେ କହିଁକି ଆମ ପାଇଁ ଭେଦ ଭାବ ସରକାର କରୁଛନ୍ତି ବୋଲି ପ୍ରଶ୍ନ କରିଛନ୍ତି ଛାତ୍ରଛାତ୍ରୀ । ଅନଲାଇନ ପାଠପଢା ବଡବଡିଆ ଛୁଆ ଅର୍ଥାତ ଯେଉଁମାନଙ୍କ ପାଖରେ ଫୋନ ଅଛି ସେମାନଙ୍କ ପାଇଁ ସୁହାଉଥିବା ବେଳେ ଆମ ପାଖରେ ଫୋନର ସୁବିଧା ନାହିଁ ।