ଭୁବନେଶ୍ବର: ଦୂରଦର୍ଶନରେ ହେବ ପାଠପଢା। କୋଭିଡ ମହାମାରୀ ମଧ୍ୟରେ ପିଲାମାନେ ଯେପରି ଘରେ ବସି ପାଠ ପଢିବେ ସେଥିପାଇଁ କରାଯାଇଛି ବ୍ୟବସ୍ଥା । ଆସନ୍ତା 17 ତାରିଖରୁ ଟିଭି ମାଧ୍ୟମରେ ପାଠ ପଢିବେ ଦ୍ୱାଦଶ ଶ୍ରେଣୀ ପିଲା। ଏନେଇ ସମୃକ୍ତ ବିଭଗ ପକ୍ଷରୁ କ୍ଳାସର କାର୍ଯ୍ୟସୂଚୀ ପ୍ରକାଶ ପାଇଛି।
କୋରୋନା ମହାମାରୀ ପାଇଁ ରାଜ୍ୟରେ ସ୍କୁଲ କଲେଜ ବନ୍ଦ ରହିଛି । ଏଣୁ ସ୍କୁଲ ପିଲାଙ୍କୁ ୟୁଟ୍ୟୁବରେ ପାଠ ପଢ଼ାଯିବ । ହେଲେ ଦ୍ୱାଦଶ ଶ୍ରେଣୀ ପିଲାମାନେ ଦୂରଦର୍ଶନ ମାଧ୍ୟମରେ ପାଠ ପଢିବେ । ପଦାର୍ଥ ବିଜ୍ଞାନ ଏବଂ ରସାୟନ ବିଜ୍ଞାନ ବିଷୟ ଆସନ୍ତା 17 ତାରିଖରୁ 22 ତାରିଖ ପର୍ଯ୍ୟନ୍ତ ଦୂରଦର୍ଶନ ମାଧ୍ୟମରେ ପାଠପଢ଼ା ହେବ। ଏହି 4 ଦିନ ପାଇଁ ସକାଳ 9 ଟାରୁ ରାତି 10ଟା ପର୍ଯ୍ୟନ୍ତ କ୍ଳାସ କରାଯିବ।