ଭୁବନେଶ୍ବର: ବଜାରରେ ହଠାତ୍ ମହଙ୍ଗା ମାଡ଼। ପିଆଜ ଦର କିଲୋ ପିଛା 30 ରୁ 35 ଟଙ୍କା ଥିବା ବେଳେ ଆଳୁ ଦର 15 ରୁ 20 ଟଙ୍କା ହୋଇଛି। ତେବେ ଆଗାମୀ ଦିନରେ ଆହୁରି ବଢିବ ଆଳୁ ଓ ପିଆଜର ଦର। ମହାରାଷ୍ଟ୍ରରେ ବନ୍ୟା ଓ ପଶ୍ଚିମବଙ୍ଗରେ ଟ୍ରକ ଧର୍ମଘଟ ଯୋଗୁଁ ଧୀରେ ଧୀରେ ଓଡ଼ିଶା ବଜାରରେ ଆଳୁ ପିଆଜ ସହ ଅନ୍ୟ ପରିବାର ଦର ମଧ୍ୟ ବଢ଼ିବାରେ ଲାଗିଛି। ଏହି ଦର ବୃଦ୍ଧି ଆଗାମୀ ଦିନରେ ଖାଉଟିଙ୍କୁ ହନ୍ତସନ୍ତ କରିବା ସୁନିଶ୍ଚିତ।
ଭିଡିଓ ସୌଜନ୍ୟ: ପ୍ରତିନିଧି ଭୁବନେଶ୍ବର
ଅନ୍ୟ ପଟେ ବଜାରରେ ପରିବା ଦର ବି ଆକାଶ ଛୁଆଁ ହୋଇଛି କାଙ୍କଡ଼ କିଲୋ ପିଛା 150 , ବିଲାତି କିଲୋଗ୍ରାମ ପିଛା 50 ରୁ 60 ଟଙ୍କା ,କାକୁଡି କିଲୋ 40 ରୁ 50 ଟଙ୍କା ରହିଛି। ଏସବୁ ଦର ବୃଦ୍ଧି ବର୍ତ୍ତମାନ ଖାଉଟିଙ୍କ ମୁଣ୍ଡରେ ଚଡକ ପକାଇବା ସହ ଗୃହୀଣିଙ୍କୁ ଚୁଲି ମୁଣ୍ଡକୁ ମାଡ କରିଛି।