ଭୁବନେଶ୍ବର: ଏଣିକି ରାଜ୍ୟର ଯେକୌଣସି ସ୍ଥାନରୁ ରାସନ ସାମଗ୍ରୀ ଉଠାଇ ପାରିବେ ହିତାଧିକାରୀ । ଜାତୀୟ ଖାଦ୍ୟ ସୁରକ୍ଷା ଆଇନ ମାଧ୍ୟମରେ ହିତାଧିକାରୀ ସାମଗ୍ରୀ ଉଠାଇପାରିବେ । ସେପ୍ଟେମ୍ବର ପହିଲାରୁ ଭୁବନେଶ୍ବର ମହାନଗର ନିଗମରେ ପ୍ରଥମେ ଆରମ୍ଭ ହେବ ଏହି ସୁବିଧା । ଏନେଇ କେନ୍ଦ୍ର ସରକାର ପୂର୍ବରୁ ନିର୍ଦେଶ ଦେଇ ସାରିଛନ୍ତି ।
ଭିଡିଓ ସୌଜନ୍ୟ: ସମ୍ବାଦଦାତା, ଭୁବନେଶ୍ବର
ସେପ୍ଟେମ୍ବର ପହିଲାରୁ ରାଜ୍ୟରେ ଆରମ୍ଭ ହେବ ରାସନକାର୍ଡ ପୋର୍ଟାବିଲିଟି । ‘ୱାନ ନେସନ ୱାନ ରାସନ’ ଯୋଜନା ଅନୁଯାୟୀ ଏହି ବ୍ୟବସ୍ଥା ପ୍ରଚଳନ ହେବ । ଏହା କାର୍ଯ୍ୟକାରୀ ହେଲେ ଯେକୌଣସି ସ୍ଥାନରୁ ଜଣେ ହିତାଧିକାରୀ ନିଜ କାର୍ଡ ମାଧ୍ୟମରେ ରାସନ ସାମଗ୍ରୀ ଉଠାଇ ପାରିବ । ସେପ୍ଟେମ୍ବର ପହିଲାରୁ ପାଇଲଟ ପ୍ରୋଜେକ୍ଟ ଭାବେ ଭୁବନେଶ୍ବର ମହାନଗର ନିଗମରେ ଆରମ୍ଭ ହେବ ଏହା । ରାଜଧାନୀର ୧୨୭ଟି ଯୋଗାଣ ଦୋକାନରେ ମିଳିବ ଏହି ସୁବିଧା । ପରେ ସାରା ରାଜ୍ୟରେ ଲାଗୁ ହେବ ଏହା । ଏଥିପାଇଁ ଖୋର୍ଦ୍ଧା ଜିଲ୍ଲାପାଳଙ୍କୁ ଚିଠି ଲେଖି ଅବଗତ କରାଯାଇଛି ।