ଭୁବନେଶ୍ବର: ରାଜଧାନୀ ରାଜରାସ୍ତାରେ ଫୁଲ ସ୍ପିଡରେ ଗଡୁଥିଲା କାର । ଚଳନ୍ତା କାର ଭିତରେ ରୋମାନ୍ସ କରୁଥିଲେ ମଦ୍ୟପ ଯୁବକ ଯୁବତୀ । ଯାହାର ଭୟାନକ ପରିମାଣ ଭୋଗିବାକୁ ପଡିଲା ସ୍କୁଟି ଆରୋହୀଙ୍କୁ । ଦ୍ରୁତଗତିରେ କାର ଚଳାଇବା ସହ ରୋମାନ୍ସରେ ବୁଡି ରହିଥିବା ସେହି ଯୁବକ ଯୁବତୀ ଗୋଟିଏ ବାଇକକୁ ଧକ୍କା ଦେଇଥିଲେ । ଫଳରେ ଦୁର୍ଘଟଣାରେ ସ୍କୁଟି ଚାଳକଙ୍କ ମୃତ୍ୟୁ ଘଟିଛି । ନୟାପଲ୍ଲୀ ଥାନା ନିକଟରେ ଘଟିଛି ଏହି ମର୍ମନ୍ତୁଦ ସଡକ ଦୁର୍ଘଟଣା । ମୃତକ ରାଉରକେଲାର 35 ବର୍ଷୀୟ ଯୁବକ ରାଜେଶ କୁମାର ସ୍ବାଇଁ ବୋଲି ଜଣାପଡିଛି ।
ରାଜଧାନୀରେ ରାସ୍ତା ଉପରେ ରୋମାନ୍ସ, ଦୁର୍ଘଟଣା ନେଲା ଜୀବନ
ସୂଚନାଯୋଗ୍ୟ, ଦ୍ରୁତଗତିରେ ଯାଉଥିବା କାରଟି କ୍ରାଉନ ନିକଟରେ ସାଇଡ ମାରିବାବେଳେ ଏକ ଟ୍ରକ ଗାଡିର ଆଗକୁ ଆସିଥିଲା । ଟ୍ରକରୁ ବର୍ତ୍ତିବାକୁ ଯାଇ କାରଟି ଡିଭାଇଡରକୁ ଧକ୍କା ଦେବା ସମୟରେ ସାମ୍ନାରେ ଆସିଥିଲେ ସ୍କୁଟି ଚାଳକ ରାକେଶ । ଯଦ୍ବାରା ରାକେଶ ଦୁର୍ଘଟଣାର ଶିକାର ହୋଇଥିଲେ । ପରେ ତାଙ୍କୁ ଉଦ୍ଧାର କରି ଡାକ୍ତରଖାନାରେ ନିଆଯାଇଥିବାବେଳେ ଡାକ୍ତର ସେଠାରେ ତାଙ୍କୁ ମୃତ ଘୋଷଣା କରିଥିଲେ ।