ଭୁବନେଶ୍ବର : ଓଡିଶା ମିଳିତ ପ୍ରବେଶିକା ପରୀକ୍ଷା (OJEE) ଦ୍ୱାରା ପରିଚାଳିତ କାଉନସେଲିଂରେ ଭାଗ ନେବାକୁ ପ୍ରାୟ 11,700 ଛାତ୍ରଛାତ୍ରୀ ରେଜିଷ୍ଟ୍ରେସନ କରିଛନ୍ତି । ଯଦିଓ ରାଜ୍ୟରେ 32,000ରୁ ଅଧିକ ଇଞ୍ଜିନିୟରିଂ ସିଟ ରହିଛି । ସରକାରୀ କଲେଜରେ 4 ହଜାର ଓ ବେସରକାରୀ କଲେଜରେ 28 ହଜାର ସିଟ ରହିଛି ।
ଏନେଇ ଓଜେଇଇ ଚେୟାରମ୍ୟାନ ସୁଦୀପ ଚାନ୍ଦ ପ୍ରତିକ୍ରିୟା ରଖିଛନ୍ତି । ସେ କହିଛନ୍ତି ଯେ, ବିଭିନ୍ନ ଟେକନିକାଲ ଓ ପ୍ରଫେସନାଲ କୋର୍ସରେ ଆଡମିଶନ ପାଇଁ ଓଜେଇଇର କାଉନସିଲିଂ ପ୍ରକ୍ରିୟା ଚାଲୁ ରହିଛି । ଏହା ପର୍ଯ୍ୟାୟ କ୍ରମେ ଚାଲୁ ରହିବ । ଏପର୍ଯ୍ୟନ୍ତ 11 ହଜାର 700 ପିଲା କେବଳ ରେଜିଷ୍ଟ୍ରେସନ କରିଛନ୍ତି । ଏହା ପରେ ସ୍ପେଶାଲ ଓଜେଇଇ ବିଟେକ ପିଲାମାନେ 10 ତାରିଖରେ ରେଜିଷ୍ଟ୍ରେସନ କରିପାରିବେ । ଆଶା କରାଯାଉଛି ଆହୁରି ଅଧିକ ପିଲା ରେଜିଷ୍ଟ୍ରେସନ କରିବେ ।
ଭୁବନେଶ୍ବରରୁ ବିକାଶ ଦାସ, ଇଟିଭି ଭାରତ