ଭୁବନେଶ୍ବର: ସରକାରୀ ଉଦ୍ୟୋଗରେ ଅନିୟମିତତା । ରାଜ୍ୟରେ ଥିବା 36ଟି ସରକାରୀ ଉଦ୍ୟୋଗ ମଧ୍ୟରୁ 24ଟି ରେ 172 ଜଣ ଅଧିକାରୀଙ୍କ ବିରୋଧରେ ଏହି ଅନିୟମିତତା ଅଭିଯୋଗ ହୋଇଛି । ଶନିବାର ବିଧାନସଭାର ପ୍ରଶ୍ନକାଳ ବେଳେ ବିଜେଡି ବିଧାୟକ ସୁଶାନ୍ତ କୁମାର ବେହେରାଙ୍କ ପ୍ରଶ୍ନରେ ଉତ୍ତର ରଖିଥିଲେ ସରକାରୀ ଉଦ୍ୟୋଗ ମନ୍ତ୍ରୀ ଅଶୋକ ପଣ୍ଡା ।
ବିଜେଡି ବିଧାୟକ ସୁଶାନ୍ତ ବେହେରା ପ୍ରଶ୍ନ କରିଥିଲେ ଯେ, ରାଜ୍ୟର କେଉଁ ସାଧାରଣ ଉଦ୍ୟୋଗର କେଉଁ ଅଧିକାରୀଙ୍କ ବିରୁଦ୍ଧରେ ଅନିୟମିତତା ଓ କାର୍ଯ୍ୟାନୁଷ୍ଠାନ ବିଚାରଧିନ ଅଛି । ଏହାସହ ସେଗୁଡିକର ଆଶୁ ଫଇସଲା ପାଇଁ କି ପଦକ୍ଷେପ ଗ୍ରହଣ କରାଯାଇଛି । ଯାହାର ଉତ୍ତରରେ ମନ୍ତ୍ରୀ ଅଶୋକ ପଣ୍ଡା କହିଥିଲେ କି ଯୋଗାଣ ନିଗମରେ ସର୍ବାଧିକ 34 ଜଣଙ୍କ ବିରୋଧରେ ଅନିୟମିତତା ଅଭିଯୋଗ ରହିଛି ।